Qeshqer konasheherde zor kölemlik "Dawalash merkizi" qurulushigha ul sélinishi diqqet qozghidi

Muxbirimiz irade
2020-11-19
Share

Xitay hökümiti qeshqer konasheherde bashlighan wirus yuqumining kontrol astigha élin'ghanliqini ilgiri sürüwatqan bir peytte, qeshqerde zor kölemlik bir dawalash merkizi qurulushigha ul sélinishi diqqet qozghidi.

Xitayning "Tengritagh" torining xewiridin melum bolushiche, "Jenubiy shinjang rayonluq dawalash merkizi" dep nam bérilgen bu zor kölemlik qurulush 11-ayning 18-küni qeshqer wilayiti konasheher nahiyesining oghisaq bazirida ötküzülgen ul sélish murasimi bilen bashlan'ghan.

Xewerde éytilishiche, "Jenubiy shinjang rayonluq dawalash merkizi" dep atalghan bu qurulush yuqumluq késellikler doxturxanisi rayoni, uniwérsal doxturxana rayoni, öpke doxturxanisi we xizmetchiler olturaq rayonidin ibaret töt rayon boyiche sélinidighan bolup, uning "Jenubtiki töt wilayet bir oblasttiki yuqumluq késelliklerning dawalash mulazimet sewiyisini östürüp, yerliktiki kishilerning dawalash éhtiyajini téximu yaxshi qanduridighanliqi" ilgiri sürülgen.

Xitay da'iriliri yéqindin buyan Uyghur élide wirus yuqumi heqqide gumanliq sanliq melumatlarni élan qilip, yuqumning heqiqiy weziyitini xelq'aradin qattiq yoshuruwatqan bir shara'itta bundaq dawalash merkizi qurushi diqqet qozghidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet