Shinjang uniwérsitétining mu'awin mudiri zulhayat isma'il xitay hökümitining teshwiqat jarjisigha aylan'ghan

Muxbirimiz eziz
2021-03-04
Share

3-Mart küni xitay hökümiti "Shinjangdiki emgek we ishqa orunlashturush hemde kishilik hoquq kapaliti" témisida tor yighini chaqirip, özlirining Uyghur diyarida bu jehette qandaq zor "Ilgirilesh" lerni qolgha keltürgenlikini yene bir qétim dawrang qildi.

Shinxu'a agéntliqining shu künki xewiride éytilishiche, xitay hökümiti del birleshken döletler teshkilati (b d t) kishilik hoquq aliy kéngishining 46-nöwetlik yighini mezgilide, xitayning b d t jenwe ishxanisda da'imy turushluq ish béjirish orni we nenjing uniwérsitéti qatarliq orunlar bilen birliship bu qétimqi yighinni achqan. Yighinda Uyghur diyarida ötken besh yilda ishqa orunlashturushning 17 pirsent ashqanliqi, shuningdek xelqning maddiy turmush sewiyisining nechche hesse yuqurilighanliqi heqqidiki kona gepler qayta tekrarlan'ghan.

Shinjang uniwérsitétining mu'awin mudiri zulhayat ismayil yighinda alahide söz qilip "Hökümitimiz shinjang xelqige ishqa orunlishish we kespiy sewiyesini östürüshte ghayet zor pursetlerni yaritip berdi. Hazir hemmeylen yaxshi yeydighan, yaxshi kiyinidighan weziyet yaritildi," dégendek siyasiy teshiwiqat sözlirini qilghan. Yighinda söz qilghan herqaysi wekillermu bes-beste xitay kompartiyesining Uyghur diyaridiki emgek we ishqa orunlashturush saheside qandaq "Zor netije" lerni yaratqanliqi heqqide wez éytqan.

Zulhayat isma'il buningdin birqanche yil ilgiri xitay hökümitining Uyghur rayoni boyiche atalmish "Kishiliq hoquq mutexessisi" süpitide b d t ning jenwediki yighinigha qatniship, xitayning awazi bolup bergen idi.

Halbuki, xitay hökümitining "Uyghurlarni ishqa orunlashturup, namratliqtin qutuldurimiz" dégen sho'ar astida zamaniwi qullar emgikige séliwatqanliqini, qorsaq ghémidin xalas bolmighan milyonlighan Uyghurning xitaydiki eng töwen turmush sewiyiside turuwatqanliqini alahide eskertken analizchilar, xitay hökümitining bu xil yalghan teshwiqatlirining peqet özini özi aldashtin bashqa nerse emeslikini alahide tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet