Arxip
2009-06-16
Hörmetlik oqurmenler, bérmudadiki Uyghurlar bügün radi'omizning ziyaritini qobul qilip, özlirining nöwettiki ehwali we ötmüshte körgenliri heqqide melumat berdi. Ular sözliride güentanamo türmisi bilen xitay türmilirini sélishturup ötti. Ular yene özlirining amérikigha qarita aghrinish we naraziliqi yoqluqini alahide eskertip ötti.
2009-06-16
Amérika tashqi ishlar ministirliqi 16 - yun 2009 - yilliq adem bédikchiliki heqqide doklat élan qildi. Doklatta dunyadiki barliq döletlerdiki adem bédikchilik ehwali tonushturulghan we 2008 - yili jeryanida biri qisim Uyghur qizlirining hökümetning qoli arqiliq adem bédikchilik qurbanigha aylan'ghanliqi körsitilgen.
2009-06-16
Bérmudagha orunlashqan 4 neper Uyghur erkinlikke chiqqandin kéyin ular dunya metbu'atlirining qiziq nuqtisigha aylinip qaldi. Ularning bérmudada qiliwatqan her bir herikiti xewerge aylinip, bérmudada bundin kéyin nime qilmaqchi boluwatqanliqi, bu Uyghurlarning bérmudagha maslishish jeryanliri kishilerning qiziqishini qozghawatqan bir nuqta bopqaldi.
2009-06-16
Xitay tamozhnilri yéqinda élan qilghan sanliq melumatlargha qarighanda, bu yil 5 - ayda xitayning tashqi soda méqdari ötken aydikidin 3.8% Azlidi, bulturqi oxshash mezgilidikidin 26.4% Kamlidi. Xitay bilen yawropa, amérika we yaponiye otturisidiki sodidiki tengpungsizliqmu 22.1%, 17.1% We 24.6% Azaydi.
2009-06-16
Türkiyining eng chong gézitliridin biri bolghan "sabah" gézitining 6 - ayning 15 - künidiki sanida, "dölet re'isi abdullah gül 6 - ayning 23 - küni xitaygha baridu" mawzuluq xewer élan qilindi.
2009-06-16
Qirghizistanning béshkek shehiride ilmiy xizmet bilen shughulliniwatqan misirliq yazghuchi fatime ibrahim menufi xanim Uyghurlargha yéqindin köngül bölüp kéliwatqan yazghuchilardin biri bolup, uning maqaliliri ereb dunyasidiki meshhur gézit, jurnallarda, xususen kuweyttin chiqidighan " el mujteme" jurnilida shundaqla éntérnét torlirida élan qilinip kelmekte.
2009-06-16
Ghulja bilen xitay dégen isimni perqlendürüsh kérek, ghulja ezeldin Uyghurning yurti we Uyghurlar tarixi jeryanlarda berpa qilghan sheher. Pütün Uyghuristanning bir parchisi ornida ghulja xitaylarning mustemlikisige aylinip qalghili 60 yil boldi.
2009-06-16
Amérika awam palatasining tashqi munasiwetler komitéti 16 - iyon küni Uyghurlar toghrisida mexsus yighin chaqirip, xitayning güentanamodiki Uyghur tutqunlarni térrorchi dep élan qilghanliqigha qarita guwahliq berdi.
2009-06-16
Qeshqerdiki Uyghurlarning inkasigha qarighanda, 1300 yildin artuq tarixqa ige qeshqer xanliq medrisi xitay da'irilirining qeshqer qedimiy sheher restilirini chéqip tüzesh pilani boyiche chéqip tashlan'ghan.
2009-06-16
Uyghur élidiki xitayche xewer torlirida ashkarilinishiche, gherbni échish borini bilen xitaydiki aliy mekteplerni püttürüp Uyghur élige, " gherbni échish pida'iyliri " namida kélip resmiy shitatliq xizmetlerge orunlashqan xitaylarning sani 5000 gha yetken.
2009-06-16
Ürümchi hökümet da'irilirining seyshenbe tarqatqan uchuridin ashkarilinishiche, ürümchide 16 - iyun küni béyjing yoligha jaylashqan jinggu ahaliler rayonidiki qurulush meydanida bir kishige oq tégip qutquzush ünüm bermey ölgen.
2009-06-16
Iranda ötküzülgen saylam netijisi élan qilinip ehmedi nijadning qayta prézidént bolghanliqi bilen jüme künidin bashlap iran weziyitide jiddiy özgirish yüz berdi. Yeni prézidént namzati höseyin musawéyning qollighuchiliri saylam netijisidin yeni bélet sanining toghriliqidin gumanlan'ghan hemde keng kölemlik naraziliq herikiti bashlighan, musawéyning qollighuchiliri bilen ehmedi nijadning qollighuchiliri ottursidimu topilang yüz bérip, iranda bu xil weziyet bügün tötinchi künige qedem qoydi.
2009-06-15
Xitayning ürümchidiki saqchi da'iriliri yéqinda ürümchidiki bir aliy mektepke toplinip, diniy mesililer üstide muzakire élip barghan 7 Uyghur oqughuchini tutqun qilghan idi. Nöwette oqughuchilarning köp qisimi qoyup bérilgen, lékin bir qisim oqughuchilar yenila tutup turulmaqta.
2009-06-15
Bérmudagha orunlashqan 4 neper Uyghur erkinlikke chiqqandin kéyin, xelq'ara metbu'atlarda söz qilip, güentanamodiki Uyghurlar heqqide ilgiri soralghan bir qisim so'allargha jawab qayturdi.
2009-06-15
Xitay intérnétke bolghan kontrolluqni téximu kücheytish aldida turmaqta. Aldimizdiki künlerde xitay yolgha qoymaqchi boluwatqan "yéshil tosma" séstimisi dunya metbu'atlirida keng yer aldi we jama'etchilikining diqqitini alahide tartti.
