Arxip
2009-06-29
Xitayning mu'awin bash ministiri li kéchyang 28 - iyun küni özbékistan'gha yétip kélip islam kérimof bilen uchrashqan. Lé kichiyang uchrishishta qilghan sözide ikki döletning munasiwitining dostane we öz -ara ishinish asasida tereqqi qiliwatqanliqini ipade qilghan.
2009-06-29
Bügün shinxu'a agéntliqining bombaydin xewer qilishiche, hinidstan hökümiti 6 - ayning 29 - küni özining bixeterlik qisimliri töt rayonda - hindistanning gherbiy déngiz qirghiqidiki bombayda, sherqiy déngiz qirghiqidiki jinnayda, ottura jenubtiki heyder'abad we jakarta rayonida, xuddi bultur 11 - ayda bombayda térrorchiliqqa qarshi heriket élip barghandek jiddiy heriket élip baridighanliqini jakarlighan.
2009-06-29
Yéqinda, xelqara kechürüm teshkilati toronto shöbisi bayanat élan qilip, xitay hökümiti teripidin tutup kétilgendin kéyin, hichqandaq iz dériki bolmighan ikki neper aliy mektep oqughuchisi yüsüpjan bilen memetjanning hayati bixeterlikidin intayin ensirewatqanliqini bildürdi.
2009-06-29
Xitayda ziyarette boluwatqan türkiye prézidénti abdulla gül, 29 - iyun Uyghur éli paytexti ürümchide ziyarette bolghan. Türkiye xabér torida körsitilishiche, abdulla gül Uyghur élining xitay bilen türkiyini baghlap turidighan muhim amillarning biri ikenlikini ilgiri sürgen.
2009-06-29
Xitay da'iriliri gu'angdung ölkiside yüz bergen Uyghur ishchilar bilen xitaylar arisidiki toqunushqa sewebchi bolghan bir xitay ishchini qolgha alghan bolup, xewerlerge qarighanda, mezkur xitay ishchi Uyghur ishchilarning xitay qizlargha basqunchiliq qilghanliqi heqqide ösek söz tarqatqan iken.
2009-06-29
Amérika xelq'ara soda komitétining köp sanliq ezaliri, amérika prézidéntni barak obamagha qarita teyyarlighan teklipide, xitaydin import qilinidighan töwen bahaliq balunlargha qattiqraq tamojna béji qoyushni telep qildi.
2009-06-29
Düshenbe küni amérika dollirining yaponiye yini we yawrogha almashturush qimmitide ösüsh körün'gen bolup, birleshme agéntliqida xewer qilinishiche, emma xitay merkiziy bankisining bashliqi xitay tashqi péréwot we pul almashturush siyasitide tuyuqsiz özgirish bolmighanliqini ilgiri sürgen.
2009-06-29
xRusiye da'iriliri düshenbe küni kéler ayda, xitay bilen birleshme herbiy manéwir ötküzidighanliqini jakarlighan bolup, manéwir xitay we rusiye zéminlirida besh kün élip bérilidiken.
2009-06-28
Her yili bir qétim ötküzilidighan qeshqer xelq'araliq yermenkisi 28 - iyun küni resmiy bashlandi. Xitay hökümiti teripidin " junggo shinjang qeshqer, jenubiy we ottura asiya soda yermenkisi" dep atalghan mezkur yermenke pa'aliyitining échilish murasimi qeshqer shehiridiki pen - téxnika we medeniyet meydanida ötküzülgen bolup, buninggha xitay merkiziy hökümitining bir qisim emeldarliri we yerlik emeldarlar ishtirak qilghan.
2009-06-28
Yéqinda béyjing jama'et xewpsizlik orgini teripidin resmiy türde qolgha élin'ghan siyasi nezeriyichi, proféssor li'u shawbo mesilisi gherb döletlirining xitayni oxshimighan pikirdiki erbablarni qolgha élish we zerbe bérishni kücheytkenliki boyiche eyiblishidiki yene bir misalgha aylandi.
2009-06-28
Iran saqchi da'iriliri téhrandiki en'gliye elchixanisida ishleydighan 8 neper iranliq xizmetchini qolgha aldi. En'gliye b b s agéntliqining bu heqtiki xewerlirige asaslan'ghanda, mezkur 8 adem irandiki namayishqa qatnashqanliq bilen eyiblen'gen.
2009-06-28
28 - Iyun küni xitay bilen mongghuliyining " tinchliqni qoghdash elchisi 2009 " namliq birleshme herbiy manéwir béyjingdiki herbiy meshiq meydanida resmiy bashlandi. Mezkur birleshme manéwirgha mongghuliye we xitay armiyisining bir qisim qoshuni qatnishidighan bolup, shinxu'a agéntliqining xewer qilishiche, bu qétimqi manéwir birlikte nezeriye jehettin muzakire qilish, birliship meshiq qilish we omumiy manéwirdin ibaret üch basquchqa bölüp élip bérilidiken.
2009-06-28
Téxi aldinqi heptidila qirghizistanning jenubidiki jalal abadta 6 ademning qirghizistan alahide qisimliri teripidin étip öltürülgenliki, ularning térrorchi teshkilatlar tizimlikige kirgüzülgen özbékistan islam herikiti bilen baghlinishliq ikenliki bildürülgen idi.
2009-06-27
Palaw prézidénti johnson torbyong bügün, parlamint rehberliri bilen kéngeshkendin kéyin, gu'entanamodiki 13 neper Uyghurni qobul qilishni qarar qilghanliqni jakarlidi.
2009-06-27
Xongkongda chiqidighan 'mingpaw gézit'ning bügün xewer qilishiche, gu'angdongning shawgu'en shehiridiki 'shüri oyunchuq zawuti'da, xitay ishchilar bilen Uyghur ishchilar ottursida yüz bergen zor külemlik qanliq toqunush 27 - iyun etigen sa'et 4 te tinjitilghan.
