Arxip
2009-07-05
Bügün 5 - iyul küni kechte, 26 - iyun shawgüen weqesige naraziliq bildürüsh namayishi yüz berdi. Namayishqa ürümchidiki birqisim aliy mektep oqughuchiliri, jem'iyet yashliri we tor ezaliri bolup, bir nechche ming etrapida yashlar qatnashti. Namayish ürümchidiki xelq meydani, döngköwrük kochisi we xelq tiyatirxanisi aldida dawamlashti.
2009-07-05
Amérika awazining xewer qilishiche, amérikining niyork shehiridiki erkinlikning simwoli bolghan ayal erkinlik ilahining bash qisimi sayahetchilerning ziyaret qilishigha échildi.
2009-07-05
5 - Iyul küni kechte ürümchide Uyghur yashlirining keng kölemlik naraziliq namayishliri yüz bérip, saqchilar we herbiylerning basturushigha uchrighan waqitlarda xitay dölet re'isi xu jintaw italiyige resmiy ziyaret üchün yétip keldi.
2009-07-05
Amérikining 4 - iyul musteqilliqi bayrimini xatirilesh pa'aliyitige qatniship, pütün memliket xelqige amérikining qudretlinishi üchün chaqiriq qilghan prézidént obama özining tunji qétimliq rusiye ziyaritini bashlash üchün moskwagha qarap atlan'ghan bolup, düshenbe küni u moskwada rusiye prézidénti dmitriy médwédéw bilen resmiy uchriship, amérika - rusiye hemkarliq munasiwetlirini muhakime qilidu.
2009-07-04
Yaponiye parlaminiti tünügün rusiye igelliwalghan zimin mesilisini hel qilish üchün yéngi qanun layihisi maqullidi. Fransiye agéntliqining tokyodin bayan qilishiche, 60 yildin buyan yaponiye bilen rusiye otturisida talash - tartishta turuwatqan kuréli aralliri mesilisini hel qilish üchün, yaponiye parlaminti tünügün maqullighan yéngi qanun layihiside, yaponiyining shimalidiki töt aralni, ikkinji dunya urushida sowét itti'aqi béwsiwalghan, yaponiye 'eslidiki öz zimini' ge igidarchiliq qilidu, dep jakarlidi.
2009-07-04
B d t ning jazalash tedbirliri hazir shimali koriyining chet'ellerge qoral sétish tijaritini palej qilip qoydi. Roytrs agéntliqining si'uldin xewer qilishiche, b d t ning shimali koriyini jazalash tedbirliri hazir tesir körsitiwatidu. Shimali koriyining paraxotliri yer shari xarektirliq hemkarliq netijiside, déngizda qattiq nazaret qiliniwatqanliqtin, shimali koriye hazir chet'ellerge qoral yötkiyelmeydighan halgha chüshüp qaldi.
2009-07-04
Amérika obama hökümiti yuquriy derijilik emeldarlirining b b s gha bayan qilishiche, prézidnt obama 7 - ayning 6 - künidin 8 - künigiche, moskwani ziyaret qilmaqchi idi. Bügün rusiye özining hawa boshluqidin awghansitandiki amérika qisimlirining ötüshige ruxset qilghanliqini jakarlidi.
2009-07-04
Xitayning aptonom rayonluq teshwiqat bölüm bashliqi li yi 7 - ayning 1 - küni, chet'ellerdiki xitayche uchur wastilirini shinjangdiki inaq jem'iyet we milletler itipaqliqini teshwiq qilishqa chaqirghan.
2009-07-03
Fransiye agéntliqining xewer qilishiche, 1986 - yili fransiye sot mehkimisi teripidin xitaygha jasusluq qilish bilen eyiblinip 6 yilliq qamaq jazasigha höküm qilin'ghan béyjing opéra ömikining sabiq artisi shi péypu aldinqi küni parizhda ölgen. Bir Uyghur bowaq chétilip qalghan bu dilo eyni chaghda xéli ghulghula qozghighan jasusluq weqelirining biri idi.
2009-07-03
Uyghur ishlemchi yashlarning xitayda hujumgha uchrap öltürülüsh weqesidin ghezeplen'gen gérmaniyidiki Uyghur muhajirlar jüme küni, xitayning myunxéndiki konsulxanisi aldida namayish ötküzüp, konsulxanigha xam tuxum atqan we konsulxana binasining tam we dérizilirini xam tuxumda boyiwetken.
2009-07-03
Dunya Uyghur qurultéyining re'isi rabiye qadir xanim bügün radi'omizning téléfon ziyaritini qobul qilip, wang léchu'en 'éshinche emgek küchliri' dep gu'angdunggha yötkep ketken 800 Uyghur, 6 - ayning 26 - küni kéchide, xitay hökümiti süküt qilghan ehwal astida, minglighan xitay lükchekliri teripidin ur - ur qilin'ghanliqigha qattiq échin'ghanliqini bildürdi we wehshler teripidin öltürülgen Uyghurlargha teziye bildürdi.
2009-07-03
Dunya Uyghur qurultiyining birdek chaqiriqigha bina'en jay - jaylarda shawgu'endiki qanliq weqege nisbeten naraziliq namayishliri bashlinip ketti. Bügün shwétsiye Uyghur komitétining orunlashturushi bilen shwétsiyidiki xitay elchixanisining aldida namayish ötküzüldi.
2009-07-03
3 - Iyun küni gérmaniyidiki sherqiy türkistan birliki teshkilati dunya Uyghur qurultiyining orunlashturushigha asasen, miyunxén shehiride namayish ötküzüp, xitayning gu'angdung ölkiside yüz bergen Uyghurlarni kolliktip urush, öltürüsh weqesige naraziliq bildürdi.
2009-07-03
Gu'angdung weqesi Uyghur jem'iyitini qattiq bir silkidi. Bu silkinish bezilerde " qandaq bir millet bilen barawer yashawatimiz" dégen so'alni tughdursa؛ yene bezilerde qandaq bir hakimiyet astida yashawatimiz? dégen so'alni peyda qildi.
2009-07-03
Ghulja shehiri etrapidiki Uyghurlar nisbeten zich olturaqlashqan yézilardin penjim, dadamtu, bayanday qatarliq yézilardiki toluq ottura mektep siniplirining emeldin qaldurulushi bilen yéza balilirining oqushsiz qélish mesilisi, déhqanlarning naraziliqini qozghighan bolup, ötken hepte ziyaritimizni qobul qilghan penjim yézisidiki, péshqedem ziyaliylar, oqutquchilar, ata - anilar we oqushsiz qalghan balilar özlirining bu mesilige nisbeten naraziliqini we arzulirini ipadiligen idi.
