Arxip
2009-09-21
Teywen teybéy medeniyet da'iriliri 21 - séntebir düshenbe küni, "muhebbetning on sherti" ning teybéydimu qoyulidighanliqini uqturdi. Shuning bilen, xitay da'irilirining bésimigha qarimay Uyghur milliy herikiti yétekchisi rabiye qadir xanim heqqide ishlen'gen mezkur filimni teywende körsitidighan sheherler ikkige yetti.
2009-09-21
Xitay da'iriliri béyjing shehiride pichaq sétishni waqitliq chekligen. Bu, xitay dölet bayrimining aldida kücheytilgen bixeterlik tedbirlirining eng yéngisi bolup, bu xil cheklesh belgilimisi béyjingda ötken peyshenbe we shenbe künliri yüz bergen pichaq tiqish délosidin kéyin yürgüzülüshke bashlighan.
2009-09-21
Xitay da'irilirining düshenbe küni élan qilghan aq tashliq kitabida otturigha qoyulushiche, 2008 - yili Uyghur élidin xitay ölkilirige yötkelgen emgekchiler sani 240 minggha yetküzülgen.
2009-09-21
Xitay da'iriliri bu yil iyuldiki ürümchi namayishining Uyghur élide iqtisadiy tereqqiyat qedimini aqsitip qoyghanliqini ilgiri sürdi. Roytérs agéntliqida körsitilishiche, xitay hökümiti bu heqtiki xewerni düshenbe küni élan qilghan aq tashliq kitabida otturigha qoyghan.
2009-09-21
Amérika prézidénti barak obama sherqiy yawropa bashqurulidighan bomba qalqan sistéma pilanining bikar qilinishigha qarita meydan'gha kelgen eyibleshlerni inkar qildi.
2009-09-20
Amérika hökümitining nöwettiki asasliq wezipisining amérika iqtisadini yaxshilap, uni qaytidin güllinish yoligha kirgüzüsh boluwatqan hemde bu yolda köp tirishchanliqlar körsitiliwatqan bir peytte prézidént obama amérika iqtisadining yaxshilinishqa bashlighanliqini bildürdi.
2009-09-20
Tajikistan musteqil bolup, 18 yilidin kéyinki bu künlerde ma'arip saheside yene bir yéngiliq peyda qilghan. U bolsimu, ottura mekteplerde resmiy türde "islam meripeti" dep atalghan bir diniy dersni tesis qilish bolup hésablinidiken.
2009-09-20
Dunya Uyghur qurultiyining re'isi rabiye qadir xanimning turmushini bash téma qilghan " muhebbetning 10 sherti " namliq höjjetlik filim teywenning gawshyung shehiride ötküzülidighan féstiwalgha qatnashturulup, 10 - ayda qoyulmaqchi bolghandin kéyin, xitay hökümiti qattiq naraziliq bildürgen idi.
2009-09-20
Amérika paytexti washin'gton shehiri etrapida yashaydighan Uyghur jama'iti 9 - ayning 20 - küni pütün dunya musulmanlirining qutluq roza héyt namizini türk jama'iti bilen birlikte oqudi.
2009-09-20
19 - Séntebir küni, 5 - iyul gumandarliridin shöhret tursunning türmide xitay saqchiliri teripidin urup öltürüwétilgenliki heqqide qisqa xewer bergen iduq. Bügün bu heqte tepsiliy xewer bérimiz.
2009-09-19
Xitay da'iriliri tünügün kéchide béyjingda méhmanxanigha kirip 3 neper yaponiye muxbirini urdi. Birleshme agéntliqining béyjingdin bayan qilishiche, tünügün kéchide béyjingning chang'en kochisgha yéqin jaylashqan 'béyjing méhmanxanisi'da, yaponiye kyoto agéntliqining muxbirliri xitayning 60 yilliq tebrik küni üchün élip bériliwatqan parat teyyarliqi heqqide xewer teyyarlawatqanda, xitay da'iriliri méhmanxanigha kirip, üch neper yaponiye muxbirini urup, tipip haqaretligen we ularning komputérlirini tartiwalghan.
2009-09-19
Béyjingde bügün (shenbe küni) yene pichaq tiqish weqesi yüz bérip, weqede bir neper fransiyilik ayal sayahetchi yarilandi. Birleshme agéntliqining bayan qilishiche, bügün etigen sa'et 11 lerde, béyjingdiki tyen'enmén meydanigha yéqin jaydiki dasalen dégen meshhur bazarda, saqchilar fransiyilik bir ayal sayahetchini pichaq tiqip yarilandurghan jangshining nenchang shehiridin kelgen 41 yashliq erni qolgha aldi.
2009-09-19
Amérikining kubadiki gu'entanamo herbiy türmiside tutup turuliwatqan Uyghurlardin ikkisi bügün tinch okyandiki aral döliti palawgha bérishqa qoshuldi.
2009-09-19
Radi'o anglighuchilirimizdin melum bir kishining özi ixtiyari bilen xewer qilishiche, '5 - iyul weqesining gumandari' dep ürümchide qolgha élin'ghan shöhret tursunning jesitini, bügün, 19 - séntebir, ürümchi waxti chüshtin kéyin sa'et 2 de, saqchilar qorghas nahiyisining len'ger yéza yéngi'awat kentidiki a'ilisige ekilp bérip, uning dadi'isigha, jesetni daghdugha qilmayla yerlikte qoyushni, haza achmasliqni buyridi.
2009-09-18
Jenubiy koriye da'iriliri dunya Uyghur qurultiyi bash katipi dolqun eysani sé'ul ayrodromida tutup qélip, uning jenu biy koriyide ötküzülidighan xelq'araliq yighin'gha qatnishishini chekligen idi. Weqedin kéyin gérmaniye hökümitining arilishishi bilen jenubiy koriye hökümiti dolqun eysani qoyup bérishke mejbur boldi.
