Архип
2010-12-29
Хитайниң чоң ширкәтлиридин зеҗин кан ширкити, сәйшәнбә күни баянат елан қилип, бу йил сентәбирдә кан өрүлүш вәқәсидә өлгән 22 кишиниң аилисигә җәмий 50 милйон төләм төләйдиғанлиқини билдүргән.
2010-12-29
Хитайниң гуйҗу өлкисидә кавапчилиқ қиливатқан алим исимлик уйғур тиҗарәтчи, 8 йилдин буян гуйҗудики аилә қийинчилиқи бар хитай оқуғучиларға җәмий 100 миң йүәндин артуқ пул ианә қилған. Униң иш излири йеқинқи айлардин бери хитай ахбарат васитилиридә хәвәр қилинип муназириләр қозғиған иди. Шинхуа агентлиқиниң хәвәр қилишичә алим, хитайдики 2010-йиллиқ 10 тәсирлик шәхс намзатлиқиға киргүзүлгән.
2010-12-29
Уйғур вә хитай тилидин ибарәт 2 хил тилда учур вә тәтқиқат мулазимити қиливатқан уйғурбиз торбети, 5 -июл вәқәсидә қутратқулуқ қилди дәп әйиблинип тақиветилгәндин кейин, мулазимәт даирисини чәтәлгә йөткигән.
2010-12-28
Хитай мәркизий һөкүмити уйғур елидә елип берилидиған муқимлиқ хизмитиниң нишани бәлгиләп, уйғур ели "муқимлиқиға асасий хәвпниң миллий бөлгүнчиликтин келидиғанлиқи" ни тәкитлигән. Йиғинда хитай һөкүмити 10 йилдин буян уйғур елигә қарита ишлитилип келиватқан " террорлуққа қарши күрәш қилиш" аталғуси алаһидә тилға елинмиған.
2010-12-28
Йеңи йил кириш һарписида уйғур елидә "еғир зораванлиқ җинайи һәрикәтлириниң алдини елиш вә униңға қақшатқуч зәрбә бериш 100 күнлүк мәхсус һәрикити" башланған. Мәлум болушичә һәрикәт уйғур аптоном райониниң муқимлиқини сақлаш хизмитини яхши ишләп, кәң көләмлик аммиви һәрикәтләрниң алдини елиш мәқсити билән елип берилған болуп, инкасларда буниң асасий нишаниниң йәнила уйғурларни бастуруш икәнлики мәлум болмақта.
2010-12-28
2009-Йили йүз бәргән 5-июл үрүмчи вәқәсидин кейин уйғур мәсилиси йеңи бир басқучқа қәдәм қойди. Болупму 2010-йили түркийә билән хитай оттурисидики мунасивәттә шәрқий түркистан мәсилиси давамлиқ һалда күн тәртипкә келишкә башлиди. Йәнә бир тәрәптин түркийә билән хитай оттурисидики мунасивәттиму зор өзгиришләр болди.
2010-12-28
Йеқинда мутәхәссисләр хитайни дуняға иқтисадий вә сода җәһәттә кеңийип сиясий күчини ашуруватқанлиқини тилға алса, бәзи көзәткүчиләр хитайни дунядики биринчи күчкә айлиниш йолида илгириләп кетиватқанлиқини билдүрди, вә йәнә бәзи анализчилар хитайниң иқтисадий тәрәққиятиниң ешиши, хитайниң енергийә, тәбиий газ вә нефиткә болған еһтияҗини ашуруп, хитайни пут тирәп туралмайдиған туюқ йолға башлайдиғанлиқини вә бу сәвәбтин хитайниң вәйран болуш еһтимали барлиқини илгири сүрмәктә.
2010-12-28
Мән шундақ мавзу қоюшқа мәҗбур болдум. 2010-Йилиниң ахирқи он бәш күнидә мустәмликә уйғуристанда немә ишлар йүз бәрди? мәзкур радиониң 24-декабир хәвәр қилишиға асасланғанда, мустәмликә уйғуристанда муқимлиқ тоғрисида йиғин ечилип, җәмийәт муқимлиқиға келидиған әң чоң хәвпниң "миллий бөлгүнчилик" тин келидиғанлиқини муқимлаштурулған.
2010-12-28
Йеқинда, хитайниң тәклипигә бинаән, чәтәллик уйғур муһаҗирлиридин тәшкиллигән шинҗаңни зиярәт қилиш өмики тәркибидә уйғур дияриға саяһәткә барған канада қурулған "шинҗаң тоңшиаңхуй" ниң муавин рәиси пәридә исмаил, канададики хитайчә мәтбуатларниң зияритини қобул қилип, өзиниң шинҗаңдики миллий сиясәт, мәдини-маарип, иқтисадий вә иҗтимаий тәрәққиятлардин мәмнун болғанлиқини билдүргән.
2010-12-28
Қазақистан уйғуршунаслиқиниң тәрәққиятиға мунасип үлүш қошқан пешқәдәм алимларниң бири филологийә пәнлириниң доктори, профессор туғлуқҗан талипоф бүгүнки күнләрдә өзиниң 85 яшлиқ тәвәллудини нишанлап өтмәктә.
2010-12-28
Атақлиқ фиқһишунас, тилшунас вә тәпсиршунас алим сәдидуддин қәшқири 11-әсирдә уйғур елиниң қәшқәр шәһиридә дуняға кәлгән болуп, у ана юртида диний тәлимини тамамлиғандин кейин, мәккә билән мәдинә мунәввәрә икки һәрәм шәһәрлиригә һиҗрәт қилип берип, һаятиниң ахириға қәдәр җәмий 14 йил бу икки шәһәрдә истиқамәт қилип өткән, бу җәрянда нурғун қиммәтлик диний әсәрләрни йезип қалдурған икән.
2010-12-28
Бүгүн хитай өлкилиридики радио аңлиғучилиримиздин бириниң инкас қилишичә, шинҗаң университети рус тили синипиниң оқуғучиси пәзиләт әкбәрни, үрүмчи шәһәрлик оттура сот мәһкимиси бу йил 4 -айда өлүм җазасиға һөкүм қилип, җазани 2 йил кечиктүрүп иҗра қилишқа буйруған.
2010-12-28
Франсийә ахбарат агентлиқиниң хәвәр қилишичә, 2010 -йиллиқ нобел саһиби лю шавбо, 28 -декабир күни өзиниң 55 яшқа толғанлиқи мунасивити билән түрмидә туғулған күнини хатирилигән.
2010-12-28
Бейҗиңда чиқидиған йеңи шәһәр гезитиниң хәвәр қилишичә, ху фамилилик бир әрздар шәнбә күни өзи ясиған икки данә бомбини машинисиға селип лявниң өлкисидин бейҗиңға қарап кетиватқанда йол үстидә тутқун қилинған.
2010-12-28
Шинҗаң хәвәрләр ториниң бүгүнки хәвиридә билдүрүлүшичә, уйғур елидә мушу айниң 10 -күни йәнә йүз күнлүк қаттиқ зәрбә бериш һәрикити башланған. Һәрикәткә" қәбиһ зораванлиқ җинайәтлириниң алдини елиш вә униңға қақшатқуч зәрбә бериш һәрикити" дәп нам берилгән.