Архип
2010-07-26
Уйғурлар явропа дөләтлиридики тәшкилатлиниш хизмитиниң қәдимини тезлитип, явропа дөләтлиридики тәшкилатларни күчәйтишкә тиришмақта. Бу мунасивәт билән әнглийә уйғур җәмийити 7 - айниң 17 - ,18 - күнлири лондонда йиғин чақирип, йеңидин иҗраийә комитети әзалирини сайлап чиқти. Йиғинға д у қ муавин рәиси әсқәр җан билән баш катипи долқун әйса қатнашти. Йиғинниң 1 - күни әнглийә уйғур җәмийитиниң хизмәт доклати оқуп өтүлгәндин башқа, тәшкилатниң қолға кәлтүргән нәтиҗилири вә сақланған мәсилиләр һәққидә музакирә елип берилди.
2010-07-26
Түркләр уйғурларни өзлириниң әҗдадлири, уйғур диярини әҗдадлиримиз яшиған ата макан дәп қарайду. Дунядики башқа дөләтләргә қариғанда, уйғурларға йетәрлик болмисиму, йеқиндин көңүл бөлүватқан дөләт түркийә җумһурийити. Биз йеқинда истанбул шәһириниң кочилирини айлинип йүрүп түркләрниң уйғурлар һәққидики көз қарашлирини игилидуқ. Төвәндә диққитиңлар бу һәқтики программимизда болсун.
2010-07-26
Йеқинда торонтода чиқидиған торонто қуяши гезитидә: " канада хитай мунасивәтлиридә йеңилип қалди" сәрләвһилик бир парчә мақалә елан қилинди. Мақалидә, канада баш министири стевен харперниң йеңидин канадаға баш министир болған 2006 - йилидики хитайға тутқан қаттиқ қол позитсийиси билән, канададики лебирал партийисиниң башлиқи майкил егнатифниң бундин 4 йил бурунқи хитайға тутқан позитсийисидә һазир көп юмшаш көрүлгәнликини тилға елип, бу икки сиясәтчини канада - хитай мунасивәтлиридә қуруқ сәпсәтә сатқучилар, икки йүзлимичил сияситини базарға салғучилар дәп әйиблигән.
2010-07-26
Хитайда йәнә 80 дин артуқ өсмүр қоғушун билән зәһәрләнди. Бу нөвәтлики зәһәрлиниш хитайниң йүннән өлкиси хечиң наһийисидә йүз бәргән. Хечиң һөкүмәт даирилири йәкшәнбә күни тарқатқан баянатта көрситишичә, бу нөвәт җәмий 84 өсмүр қоғушундин еғир зәһәрләнгән.
2010-07-26
Хитай мунасивәтлик даирилири хитай ичидә зор көләмлик тәбиий газ амбири ясашқа башлиған. Хитай ахбаратлирида көрситишичә, мәзкур амбаллар хитайниң тәбиий газ импорт миқдарини төвәнлитиш мәқситидә лайиһиләнгән.
2010-07-26
Дуня уйғур қурултийи баянат елан қилип, хитайниң уйғур журналист ғәйрәт ниязға 15 йиллиқ қамақ җазаси бәргәнликини қаттиқ әйиблиди.
2010-07-26
Бу һәптә ахири гуаңҗуда йүзлигән амма намайиш қилип хитай һөкүмитиниң гуаңдуң тилини чәкләш қарариға қаршилиқ билдүрди.
2010-07-26
Йүзлигән қирғиз хәлқи ош шәһиридә намайиш қилип, хәлқара сақчи хадимлириниң қирғизистанға киришигә етираз билдүрди. Бирләшмә агентлиқида көрситишичә, намайиш тинч йосунда елип берилған.
2010-07-26
Мәлум болушичә, өткән йилидики 5 - июл вәқәсидин кейин уйғур аптоном районидики даириләр "милләтләр иттипақлиқи" вә "үч айрилаламаслиқ" принсиплирини тәшвиқ қилишни күчәйткән.
2010-07-26
Йәкшәнбә күни түркийә ташқи ишлар министири давутоғлу, иран ташқи ишлар министири моттакки вә бразилийә ташқи ишлар министири аморин истамбулда учришип, иранниң ядро хам әшялири вә ғәрб дөләтлириниң иранниң ядро пиланиға болған әндишисидин келип чиққан иран ядро кризисини һәл қилишқа аит мәсилиләрни музакирә қилди.
2010-07-26
Русийә мәтбуатлириниң қизиқ тема сүпитидә хәвәр қилишичә, русийә баш министири владимир путин йеқинда америка тәрәп чегридин қоғлап чиқарған 10 нәпәр русийә җасусини қобул қилған. Путин өзиниң мәзкур русийә разветчиклирини қобул қилғанлиқини украинийә зиярити җәрянида мухбирларға ашкарилиған.
2010-07-26
Уйғур ели билән қазақистан арисидики нефит турубиси 2006 - йили ишқа кириштүрүлгәндин буян хитай мәзкур туруба йоли арқилиқ қазақистан нефитлирини импорт қилиш миқдарини үзлүксиз ашурмақта. Әслидә бу туруба арқилиқ йилиға он милйон тонна нефит тошуш вә кейин 20 милйон тонниға йәткүзүш пилан қилинған болсиму, бирақ төт йилдин буян он милйон тонна тошуш пилани орундалмиған.
2010-07-26
Оттура асия учур торида елан қилинған "таҗикистанда тил тазилаш һәрикити башланди" мавзулуқ тәпсилий хәвәрдә йезилишичә, таҗикистан һөкүмити таҗик тилини рәсмий дөләт тили қилип бекиткәндин кейин, қанун мақуллап, таҗик тилини өгиниш вә униң һәр саһәдә ишлитилишини қоғдашқа башлиған. Бәлгилимә бойичә һазир пүтүн дөләт органлириниң һәммиси пәқәтла таҗик тили ишлитишкә көчкән болуп, һәтта чәтәл ширкәтлириниңму өз ширкәтлириниң исимлири, вивискилирини таҗик тилида йезиши бәлгиләнгән. Дөләт тили қануни бузған адәмләр җазаға тартилған болуп, мундақ җинайи делодин он нәччиси тәптиш мәһкимисигә йолланған.
2010-07-24
Хәлқарадики нопузлуқ кишилик һоқуқ тәшкилатлири шәнбә күни баянат елан қилип, хитайниң ғәйрәт ниязни түрмигә ташлиғанлиқини әйиблиди.
2010-07-24
Хитай һәрбий қисимлири уйғур елиниң бир қисим җайлирида " төтни тонуш" идийиси тәрбийиси елип барған вә буниң әмәлийлишиш әһвалини тәкшүргән. Шинхуа агентлиқиниң хәвәр қилишичә, бу хилдики һәрикәтләр ғулҗа вә үрүмчи шәрһлиридә 23, 24 - июл елип берилған. Һәрикәтни уйғур елидә турушлуқ қораллиқ сақчи 8660 - қисми елип барған. Тәрбийә, аилиләргә кирип сөһбәтлишиш, " төтни тонуш" мәзмун қилинған календарларни тарқитиш вә намратларға һал сораш буюмлири бериш шәклидә елип берилған.
