Архип
2010-07-24
Хитайниң яңзи дәрясида көрүнгән кәлкүн апити хитайниң үч боғуз тосмисиға бесим һасил қилған. Бирләшмә агентлиқиниң кәлкүн тақабил туруш мәркизидин игилишичә, мәзкур тосминиң бәрдашлиқ берәләйдиған әң юқири су чеки 175 метир болуп, шәнбә күни су йүзи 158 метирға йәткән. Су йүзиниң әң юқири чекә йетишигә йәнә 17 метир қалған.
2010-07-24
Хитай ахбаратлирида хәвәр қилинишичә, хитай әдлийә даирилири бу йил авғусттин башлап өлүм җазиси берилидиған җинайәт түрлирини азайтиш хизмитини башлайдикән. Хитай күндилик хәвәрләр гезитидә көрситишичә, нөвәттә хитайда өлүм җазаси берилидиған җинайәтләр 68 хил болуп, бу нөвәтлик өзгәртиштә җинайәт түрлири муәййән дәриҗидә қисқартилидикән. Һалбуки хәвәрдә җинайәт турлириниң зади қанчигә чүшүрүлидиғанлиқи көрситилмигән.
2010-07-24
Шималий корийә шәнбә күни баянат елан қилип, америка вә җәнубий корийә бирлишип елип баридиған һәрбий маневирға ядур қорали билән инкас қайтуридиғанлиқини билдүрди. Бирләшмә агентлиқида көрситишичә, шималий корийә даирилири бу хилдики маневирларни шималий корийигә қилинидиған һуҗумларниң тәйярлиқи дәп қарайдикән.
2010-07-23
Уйғурбиз ториниң хәвәр қилишичә, уйғур аптоном районлуқ қанун органлири, бүгүн 23 - июл күни үрүмчи вақти чүштин бурун, бултур 1 - өктәбир күни "дөләт бихәтәрликигә зиян йәткүзгән" дегән җинайәт билән қолға елинған, шинҗаң иқтисад гезитиниң мухбири ғәйрәт нияз делоси үстидин йипиқ сот ечип, униңға 15 йиллиқ қамақ җазаси һөкүм қилған.
2010-07-23
Қаримайда уйғурлар олтурақлашқан икки мәһәллиниң тарқақлаштурулуватқанлиқи ашкариланғандин кейин, мухбиримиз қаримайдин һәйдиливатқан бу уйғурларниң кимлики, уларниң қандақларчә қаримайға тәһдит болуп қалғанлиқи һәққидә мәлумат елишқа тиришти. Даириләр бу вәқә һәққидә артуқчә изаһат бериштин өзини тартса, бәзи аһалиләр, өз исмини ашкарилмаслиқ шәрти астида мәлумат бәрди.
2010-07-23
5 - Июл үрүмчи вәқәсидин кейин, уйғур аптоном райониниң партком секритарлиқ вәзиписигә олтурған җаң чүншән" илмий тәрәққият нуқтиинәзири билән шинҗаңниң һәр җәһәттики тәрәққиятини илгири сүрүш " намида бир қатар иситратегийилик чариләрни қолланмақта. Уйғур елиниң ичи һәм сиртидики һәтта чәтәлләрдики ихтисас игилирини хитайға, уйғур елигә қизиқтурушму мәзкур истратегийиниң муһим бир қисми сүпитидә хитай тәшвиқатлиридин орун алмақта.
2010-07-23
Хитай һөкүмити 60 йилдин бери "ғәрбий шимал районни ечиш", "шинҗяңни ечиш" шинҗяңни гүлләндүрүш" дегәнгә охшаш шуарлар билән уйғур дияриға қарита бир йүрүш сиясәтләрни түзгән болсиму, мутәхәссисләрниң дейишичә, бу сиясәтниң уйғурларға һечқандақ пайдиси болмиған. 5 - Июл үрүмчи вәқәсидин кейин, хитай мәркизи һөкүмити арқа - арқидин йиғин чақирип "шинҗяңни тәрәққий қилдуруш" нами астида бир йүрүш сиясәтләр бәлгилимәктә. Һәтта, уйғурлар яшаватқан дөләтләргә тохтимай һәйәт әвәтип, уларни хитай үчүн ишләшкә чақирмақта.
2010-07-23
Канада бихәтәрлик ахбарат идарисиниң әмәлдари ричард фадден, канададики хитайлар мәркәзлишип олтурақлашқан, онтарио вә бритиш колумбийә шитатлиридики бәзи сиясәтчиләрниң чәтәл һөкүмәтлириниң, болупму хитай һөкүмитиниң контроллиқиға чүшүп қеливатқанлиқини ашкарилиғандин кейин, бу вәқә канада җамаити ичидә күчлүк инкас қозғиди вә мәтбуатларда бу һәқтә муназирә йәнила давамлашмақта. Канада җасуслуқ оргиниң әмәлдариниң бу баянати, йәнә канададики хитайға майил бәзи сиясәтчиләр вә хитай җәмийәтлириниңму наразилиқини кәлтүрүп чиқарған болуп,улар ричард фадденниң кәчүрүм соришини вә униң истипа беришни тәләп қилмақта.
2010-07-23
Йеқинда" яврупа бихәтәрлик, һәмкарлиқ тәшкилати саһибхан дөләт қазақистанда йиғин ечип, қирғизистанға хәлқара сақчи қисимлири әвәтишни қарар қилди. Етник тоқунушниң алдини елиш мәркизиниң башлиқи һебберт салбар, қирғизистанға хәлқара сақчи қисимлири әвәтишни оттуриға қойди. Арқидинла америкиниң муавин дөләт ишлар катипи җемис ситенберг, тәкшүрүш үчүн қирғизистанға хәлқара сақчи қисимлири әвәтишни қоллайдиғанлиқини билдүрди"
2010-07-23
Уйғур аптоном райониниң мәркизи үрүмчидики бир сот мәһкимиси пәйшәнбә күни һөкүм чиқирип, уйғурбиз тор бетиниң башқурғучилиридин сабиқ "шинҗаң иқтисад гезити" ниң мухбири ғәйрәт ниязни 15 йиллиқ қамақ җазасиға һөкүм қилған. Үрүмчи шәһәрлик оттура сот мәһкимиси ғәйрәтниң чәтәл мәтбуатлириға "5 - июл вәқәси" гә мунасивәтлик сәзгүр мәсилиләрдә пикир баян қилғанлиқини вә мақалә елан қилғанлиқини илгири сүргән.
2010-07-23
Шимали корийә даирилири бүгүн америкини агаһландуруп, америка билән җәнубий корийә һәптә ахири һәрбий маневир башлиса, шималии корийиниң буниңға "әмәлий инкас қайтуридиғанлиқи"ни билдүрди. Шималий корийә баянатчиси ри тоңил вейтнам пайтәхти ханойда чақирилған шәрқий - җәнубий асия мунбири йиғинида тәрәпләрни агаһландуруп, япон деңизида йәкшәнбә күни башлинидиған маневирни америкиниң "дүшмәнлик" һәрикитиниң йәнә бир ипадиси дәп қарайдиғанлиқини тәкитлигән. Лекин у, қандақ "әмәлий инкас" қайтуридиғанлиқини илгириләп чүшәндүрмигән.
2010-07-23
"Дөләт мәхпийәтлики"ни ашкарилаш җинайити билән әйиблинип, 15 йиллиқ қамақ җазасиға һөкүм қилинған қәшқәрлик уйғур христян муритлиридин алимҗан һемитниң аилиси билән көрүшүши рәт қилинған. Мәркизи америкиниң тексас штатидики "җуңго ярдәм җәмийити"ниң ашкарилишичә, нөвәттә җаза муддитини үрүмчи 3 - түрмидә өтәватқан алимҗан һемитниң, 6 - айда аилиси билән көрүшүши рәт қилинған.
2010-07-23
Америка авам палата әзаси франк волф пәйшәнбә күни дөләт мәҗлисидә нутуқ сөзләп, обама һөкүмитиниң кишилик һоқуқ сияситини тәнқидлиди. У, обама һөкүмитини "кишилик һоқуқта садасини йүксәлтиш " кә чақирип, "асаси кишилик һоқуқни, диний әркинликни қоғдаш вә алға сүрүштә зувани ичигә чүшүп кетиватқанлиқи" ини, дөләт мәҗлисиниң бу саһәдики бошлуқни толдурушини тәләп қилди.
2010-07-23
Хәлқара кәчүрүм тәшкилати җүмә күни баянат елан қилип, хитай даирилириниң уйғур жорналист ғәйрәт ниязни 15 йиллиқ қамақ җазасиға һөкүм қилғанлиқини әйиблиди.
