Архип
2010-08-04
"Асия һәптилик журнили" мухбири ли юңфең 2010 - йил 30 - июл күни " ғәйрәт ниязни зиярәт қилиш җәряним" намлиқ мақалә елан қилип, хитай һөкүмитини ғәйрәт ниязға төһмәт қилиш билән әйиблиди.
2010-08-04
5 - Июл үрүмчи вәқәсидә намайишқа бивастә қатнашқан, кейин яврупадики мәлум бир дөләткә қечип чиққан бир уйғур яш намайиш йүз бәргән күнидики әһвалларни бизгә ейтип бәрди. Аилисиниң бихәтәрлики сәвәблик, илгири өз бешидин өткән вәқәликләрни сөзләштин иккиләнгәнликини билдүргән бу яш, хитай һөкүмитиниң сиясий бесими түпәйли өз вәтинидә алий мәктәптә оқуш пурситидин мәһрум қалғанлиқидин нарази болуп, мәйли қандақ болушидин қәтийнәзәр, һәқиқәтни ашкарилашни қарар қилип, истансимизға телефун урғанлиқини билдүрди.
2010-08-04
2010 - Йили 17 - июл күни сәуди әрәбистаниниң мәккә мукәррәмә шәһиридә, сәуди әрәбистанида йәрлишип қалған уйғурларниң һәрқайси мәктәпләрдә оқуватқан қиз балилиридин алаһидә утуқ қазанғанларни мукапатлаш мурасими болуп өтти. Бу мурасим сәуди әрәбистанидики уйғурларниң тунҗи қетим өткүзгән мурасими болуп, униңға сәуди әрәбистаниниң җиддә вә мәккә шәһәрлиридин 500дин көпрәк ханим - қизлар иштирак қилди. Мурасимға улуғ муҗаһид муһәммәд әмин буғраниң сәпдашлиридин болған мәрһум алим һаҗимниң нәвриси вәтәнпәрвәр зат абдулла алим түркистаниниң аяли, әйни вақитта җиддә шәһәрлик қизлар оттура мәктипиниң мудири аминә ханим билән сәуди әрәбистан радиоси түркистан бөлүминиң диктори вәтәнпәрвәр устаз сираҗиддин әзизиниң аяли мәғпирәт ханимлар риясәтчилик қилди.
2010-08-04
Шинҗяң гезитиниң 8 - айниң 3 - күнидики хәвиридә көрситилишичә, уйғур аптоном районлуқ намратларни йөләш - тәрәққий қилдуруш ишханиси" бу йилдин башлап, уйғур вәтинидики 30 намрат наһийидә яшаватқан 2 милйон 270 миң намрат кишиләрни йөләп, „12 - бәш йил"ниң ахириғичә намрат нопусниң санини 1 милйон азайтидиғанлиқини билдүргән. Буниң үчүн аҗритилған мәбләғниң 130 милйон йүән икәнлики көрситилгән.
2010-08-04
Канада парламент әзаси роб андерс хитай һөкүмитиниң канадалиқ сиясәтчиләргә тәсир көрситиш вә уларни индәккә кәлтүрүш үчүн, сода пурсити яритиш билән сәтәңләр тактикисини ишқа селиватқанлиқини оттуриға қойди. Гәрчә хитай даирилириниң канадаға сиңип кириш үчүн һәр хил вастиләрни ишқа селиватқанлиқи оттуриға қоюлуп келингән болсиму,лекин бу уларниң сәтәңләр тактикисиниму ишлитиватқанлиқи бир парламент әзаси тәрипидин тунҗи қетим етирап қилинишидур. Шуңа роб андерсниң бу сөзлири канадада күчлүк инкас қозғиди.
2010-08-04
3 - Авғуст күни алмата шәһиридә, 2009 - йилниң июл ейида уйғур елидә йүз бәргән қанлиқ вәқәләргә беғишланған юмилақ үстәл сөһбити өткүзүлди. Мәзкур юмилақ үстәл муһакимә йиғини һөкүмәт даирисидин сирт җәмийәт тәшкилатлири, мустәқил анализчилар вә һоқуқ қоғдиғучилар тәрипидин уюштурулған болуп, униңда үрүмчи вәқәлириниң қазақистан җәмийитигә болған тәсири һәққидики мәсилиләрниму муһакимә қилиш көздә тутулған иди.
2010-08-04
Қәйсәри санаәт районида туркистан макина намида завути бар, уйғур карханичи назим батухан әпәнди билән елип барған сөһбитимизниң давамини аңлитимиз.
2010-08-04
Ячибәг дастани уйғур тарихида яшап өткән батур йигит ячибәгниң батурлуқи вә паҗиәлик қисмитигә беғишланған тирагдийилик тарихий дастан болуп, қумулдики бәш шәһәр, он - икки тағқа кәң тарқалған. Қумул тарихтин буян - истртегийилик орни итайин муһим болған орунларниң бери болуп, ачкөз хан - падишаһларниң талишиш убикти болған бу гүзәл маканда хәлқниң қан - йешиға толған тарихи вәқәләр, адәмни һәйрәттә қалдуридиған қәһриманлиқлар болуп өткән.
2010-08-04
3 - Авғуст америка дөләт мәҗилисидә хитайдики сиясий мәһбусларниң әһвали һәққидә испат бериш йиғини ечилди. Йиғинда бир қисим гуваһчилар вәзийәт һәққидә мәлумат бәргәндин башқа, алақидар мутәхәссисләрму мәркуз тимида пикир вә тәклиплирини оттуриға қойди. Йиғинда мутәхәссисләр, хитайниң кишилик һоқуқ вәзийитидә 2008 - йилидин башлап арқиға чекиниш болуватқанлиқини, бу җәряндики халиғанчә тутқун қилиш вә җазалашта, асаслиқи, аз санлиқ милләт паалийәтчилири, хитайниң түзүлмисигә қарши өктичиләр вә уларни қоғдиғучи кишилик һоуқуқ паалийәтчилири болуп 3 категорийидики кишиләрниң нуқтилиқ зәрбә нишани болуватқанлиқини билдүрди.
2010-08-04
Хоңкоңда мушу айниң оттурилири" хитайдики уста артист - вен җябав" намлиқ китаб нәшр қилинмақчи. Китабта хитай баш министири вен җябавниң җамаәт ичидики ташқи көрүнүши билән униң қаттиқ қол сиясәтлири селиштурулуп, вен җябавниң қувлуқ - шумлуқлири паш қилинған. Китабниң аптори йүҗие исимлик бир хоңкоңлуқ язғучи болуп, нөвәттә хитай сақчилири униңға тәһдит селип китабни нәшр қилмаслиқни тәвсийә қиливатқан болсиму, у нәшр қилиш нийитидин ваз кәчмигән. Бирләшмә ахбарат агентлиқиниң хәвәр қилишичә, америкиниң хитайдики баш әлчиси җон һансмән түнүгүн аптор йүҗие билән сөһбәт өткүзгән вә китабниң мәзмуни һәққидә сөзләшкән.
2010-08-04
Бирләшмә агентлиқниң хәвәр қилишичә, хитайниң шәндуң өлкисидә түнүгүн бир йәслигә пичақ билән һуҗум қилиш вәқәси йүз бәргән. Вәқәдә йәсли балилиридин 3 нәпири өлгән, 20 нәпири яридар болған. Вәқә шәндуңниң зибо шәһири җинфеңйүән районида чүштин кейин саәт 4 әтрапида йүз бәргән. Бирләшмә ахбарат агентлиқиға вәқәниң растлиқини билдүргән йәрлик даириләр вәқәниң тәпсилати һәққидә мәлумат беришни рәт қилған вә ениқ һалда бу хил вәқәләр хәвәр қилинса, җәмийәттики башқа нарази кишиләрму, бу хил һуҗумни дорайдиғанлиқини вә буниң билән җәмийәттә еғир паракәндичилик келип чиқидиғанлиқини билдүргән.
2010-08-04
Шәрқи түркистан үчүр мәркизи бүгүн өз тор бетидә обзор елан қилип, хитай һөкүмитиниң уйғур елидики йеқинқи иҗраатлириға қисқичә бир баһа берип өткән. Обзорда, хитайниң бейҗиңда ачқан шинҗаң хизмәт йиғинидин кейинму, уйғур елидики сияситидә маһийәтлик бир өзгириш болмиғанлиқи көрситилгән. Болупму, хитайниң әбәдий әминликни шәкилләндүрүш үчүн йәнила ассимилиятсийә қилиш йолини таллиғанлиқи әскәртилип, хитайни хаталиқлирини тәкрарлимаслиққа чақирған.
2010-08-04
Америка таможна сақчилири йеқинда, сахта таварларни тәкшүрүш елип берип, калифорния иштатида хитайдин киргүзүлгән 100 милйон доллар қиммитидики сахта малларни мусадирә қилған. Мусадирә қилинғанлар асаслиқи кийим - кечәк вә зибу - зиннәт буюмлири болуп, даириләр вәқә гумандарлиридин 3 кишини 25 хил қанунсиз қилмиш билән әйибләп дело турғузған.
2010-08-03
Мәркизи нюйорктики мухбирларни қоғдаш комитети уйғур журналист ғәйрәт нияз вә дилшат пәрһат қатарлиқ тор башқурғучилириниң җазаға тартилғанлиқиға қарита баянат елан қилип, хитай һөкүмитиниң уйғурларниң пикир әркинликини боғуватқанлиқини көрсәтти.
2010-08-03
"Асия һәптилик журнили" мухбири ли йоңфең 30 - июл " ғәйрәт ниязни зиярәт қилиш җәряним" намлиқ мақалә елан қилип, хитай һөкүмитини ғәйрәт ниязға төһмәт қилиш билән әйиблиди.
