Arxip
2012-06-25
Süriye xelq'ara hawa boshluqida türkiyining meshq qiliwatqan urushchi ayropilanini étip chüshürgendin kéyin, türkiye natoning nizamnamisi buyiche, eza döletlerdin jiddiy meslihet élishqa kirishti. Shuning bilen hazir beshar krizisi yuqiri pellige yetti.
2012-06-25
Sherqiy türkistan ma'arip we hemkarliq jem'iyitining uyushturushi bilen 2012 - yili 7 - ayning 8 - künidin 14 - künigiche, dunyaning her qaysi jaylirida yashaydighan Uyghurlarning qatnishishi bilen 4 - nöwetlik dunya sherqiy türkistanliqlar qérindashliq uchrishishi yighini istanbulda ötküzülidu.
2012-06-25
Yéqinda, xitay ayalning qursiqidiki 7 ayliq bowaqni mejburiy chüshürwétish weqesi xitay ichi we sirtida qattiq munazirige seweb bolghandin kéyin, norwégiye metbu'atliridimu xitayning pilanliq tughut siyasitige da'ir bolghan bezi maqaliler élan qilin'ghan. Norwégiyining kechlik pochta gézitide xitayda 1971 - din bashlap 323 milyon hamile chüshürwétilgen dégen témida maqale élan qilin'ghan.
2012-06-25
21 - Iyun küni barliq qazaqistan mektepliride uchumkarlarning mektep bilen xoshlishish murasimliri bolup ötti. Shundaq pa'aliyet almata shehirining ewézof nahiyisige qarashliq dostluq mehellisining abdulla rozibaqiyéf namidiki 153 - Uyghur mektep - gimnaziyisidimu uyushturuldi.
2012-06-24
“Tarix we bügün” sehipimizning bu yekshenbilik qisimida silerge türkiyining qeyseri shehiride yashawatqan 170 a'ile Uyghurning tarixi musapiliri heqqide melumat bérimiz. Bu heqte erkin tarim uchur teyyarlidi.
2012-06-24
Qirghizistan prézidénti almasbék atambayéw rusiyining sanktpétérburg walisi gé'orgiy poltawchénko bilen körüshkende “Biz da'im sowét ittipaqining yimirilgenlikige pushman qilimiz” dédi.
2012-06-24
Aldinqi heptide ötküzülgen misirdiki prézidéntliq saylimida mubarek dewridiki sabiq bash ministir exmet shafiq bilen musulman qérindashlar jemiyitining wekili muhemmed morsi saylamgha chüshüp, netijide her ikkilisila saylamda ghelibe qilghanliqini élan qilghan idi. Biraq arqidin bu ikki adem üstide ikkinchi qétim saylam ötküzülüp, netijide musulman qérindashlar jemiyitining wekili muhemmed morsining ghelibe qilghanliqi yekshenbe küni resmiy élan qilindi.
2012-06-24
Jüme küni türkiyining bir küreshchi ayropilani süriye armiyisi teripidin étip chüshürülgendin kéyin süriye krizisigha yéngi mezmun qoshuldi, yeni türkiye bu mesilige jiddiy qarap, süriyige qandaq heriket qollinish weziyiti shekillendi.
2012-06-24
Rusiye hindistan üchün özgertip yasap bergen hindistanning awi'amatkisi “Wikramaditsiya” 8 - iyundin étibaren okyan'gha kirip, sinaq qilinmaqta. Rusiyining itartas agéntliqining xewer qilishiche, mezkur awi'amatkining esli nami “Admiral gorshkow” bolup, bu esli sowét ittipaqining shimaliy déngiz qisimlirining awi'amatkisi idi. Hindistan bilen rusiye arisidiki kélishim boyiche rusiye mezkur awi'amatkini özgertip, téximu zamaniwi haletke keltürgen. Buning netijiside hindistan hazir hindi okyan rayonidiki awi'amatkigha ige qudretlik herbiy küchke ige memliketke aylinip, uning xitaygha taqabil turush iqtidari téximu ashqan.
2012-06-23
Dunya Uyghur qurultiyi yazma bayanat élan qilip, “Dunya musapirlar küni” xatiriliniwatqan künlerde shiwétsye hökümitini Uyghur musapirlarni qayturmasliqqa chaqirdi.
2012-06-23
Amérikidiki xitay démokratlirining teshkilati - “Puqralar küchi” ning 22 - iyun radi'omizgha yollighan uchuridin melum bolushiche, Uyghur milliy herikiti rehbiri rabiye qadir xanim 14 - iyun mezkur teshkilatning washin'gton alahide rayondiki ishxanisini ziyaret qilghan we teshkilat qurughuchisi yang jenli bilen körüshken.
2012-06-23
Xitay merkiziy hökümiti buyruq chirip, yuqiri derijilik herbiy emeldarlarni qol élikidiki mal - bisati we kirim menbesini ashkarilashqa chaqirdi.
2012-06-23
Wyétnam jüme küni bayanat élan qilip, yéngi chiqarghan “Wyétnam déngiz teweliki qanuni” ni aqlidi we xitayning étirazlirini “Bimenilik” dep ret qildi.
2012-06-23
Aldinqi ikki programmimizda türkiyide oquwatqan magistir oqughuchilardin hilal yazghan: “Uyghurlar rastinila kitab oqumamdu” mawzuluq maqalisini anglatqaniduq, bügünki programmimizda silerge aldi bilen mezkur maqalining axirqi qismini anglitimiz. Axirida, “Cheklen'gen eserler sehipisi” boyiche anglitip kéliwatqan “Köz yéshida nemlen'gen zémin” namliq eserning dawami diqqitinglarda bolidu.
2012-06-23
Qishning soghuq künliri keldi. Yer –jahanning hemmisi ap'aq qar bilen qaplandi, toxtimay urup turghan shiwirghan bilen qarlar ademning yüzige urulatti. Yerler tonglap jotu bilenmu asanliqche kolighili bolmaytti.