Arxip
2012-06-21
Xoten wilayitidiki her derijilik hökümet organlirining xotende diniy yosunda kiyin'gen ayallarni kemsitish xaraktérlik teleplerni otturigha qoyghanliqi ashkarilanmaqta.
2012-06-21
Bügün i'ordaniye da'iriliri süriyilik küreshchi ayropilan uchquchisining i'ordaniyide panahlinish telipini qobul qilghanliqini jakarlidi. BBC Ning éytishiche, rusiyide yasalghan MIG - 21 tipliq küreshchi ayropilanining uchquchisi hesen el xamidi özi bashquruwatqan ayropilanni heydepla i'ordaniye tewesige ötüp ketken we i'ordaniyining süriye chégrisigha yéqin jaydiki mafrak hawa bazisigha qon'ghan. Süriye da'iriliri hazir uni “Xa'in” dep élan qilip, i'ordaniyidin uni qayturup bérishni telep qilghan.
2012-06-21
Xitay da'iriliri yéqinda xoten shehiride qanunsiz diniy pa'aliyetlerge zerbe bérish herikiti qozghap, öymu - öy axturush herikiti bashlighan. Yerlik da'iriler uqturush tarqitip, ahalilerdin amanliq küchliri bilen hemkarlishishni, aqturush herikitige maslashmighan ahalilerning aqiwetke özi ige bolidighanliqini agahlandurghanliqi ilgiri sürülgen idi. Bu amérika Uyghur jem'iyitining buninggha derhal inkasini qozghidi.
2012-06-21
Radi'omiz igiligen uchurlardin melum bolishiche, béyjingdiki Uyghur erzdarlar bügün 21 - iyun künimu béyjing siyasiy qanun komitéti aldigha toplan'ghan. Ularni élip kétish üchün yerliktin ewetilgen saqchilar hem kadirlar bilen erzdarlar otturisida kétish sherti heqqide keskin talash - tartish bolghan.
2012-06-21
“Birleshme agéntliqi”ning béyjingdin bayan qilishiche, wyétnam parlaménti bügün “Déngiz qanuni” maqullap, spratly arallirini we parasél arallirini wyétnamning térritoriyisi dep qanunlashturdi. Buningdin kéyinla, xitay bayanat élan qilip, wyétnam élan qilghan “Déngiz qanuni”ni qattiq tenqidlep, xitayning shisha, jongsha, nensha arallirini özining térritoriyisi dep qanunlashturghanliqi qanunsiz heriket, xitay zéminigha tajawuz qilghanliq, u inawetsiz dep jakarlidi.
2012-06-21
Bezi gherb iqtisadshunaslirining perez qilishiche, xitay iqtisadi kelgüside téximu qéyin mesililerge mesililerge duch kélidiken. Bu xildiki qarashlar yéqinda neshr qilin'ghan “Xitay - kéchikip partlaydighan bomba” namliq kitabta otturigha qoyulghan.
2012-06-21
Türkiye 1950 - yili qobul qilin'ghan musapirlar we chet'elliklerni bashqurush qanunigha tüzitish kirgüzmekchi. Mezkur yéngi qanun layihisi 6 - ayning 20 - küni türkiye parlaméntida muzakire qilinishqa bashlidi. Türkiye musapirlar we chet'ellikler qanuni yawropa birlikige oxshashla qanuniy we insan heqlirini asas qilghan halda tüzüp chiqilidiken.
2012-06-21
2012 - Yili 6 - ayning 22 - küni istanbulda pa'aliyet qiliwatqan sherqiy türkistan ammiwi teshkilat mes'ulliri, sherqiy türkistan ma'arip we hemkarliq jem'iyitining zeytinburnu shöbisige yighilip, ürümchi weqesining 3 yilliqi munasiwiti bilen pa'aliyet uyushturush toghrisida kéngesh yighini ötküzdi.
2012-06-21
Süriye ereb baharining eng uzun békiti bolup qalmaqta. Chünki süriyidiki namayish bir yérim yilliq musapisi jeryanida esed hakimiyitini aghdurup tashlash nishanigha yételmey turmaqta.
2012-06-20
Xitayning “Tengritagh tori” da bayan qilinishiche, xitayning Uyghur aptonom rayonluq muqimliqni saqlash rehberlik guruppisi 6 - ayning 18 - küni ürümchide muqimliqni saqlash yighini achqan.
2012-06-20
Jenubiy mongghuliye kishilik hoquq uchur merkizining bayan qilishiche, 6 - ayning 19 - küni jenubiy mongghuliye orad nahiyisining bayannur sheherchiside bir nechche yüz charwichi kochigha chiqip, yaylaqlarning xitaylar teripidin igiliwélinishigha qarshi namayish ötküzdi. Namayishchilar “Chirik emeldarlar yaylaqtin chiqsun!”, “Charwichilargha adalet!” , “Charwichilar tartqan ziyanni tölep bersun!” dep shu'ar towlap hökümet binasi aldigha toplandi.
2012-06-20
Roytérs agéntliqining los kabostin bayan qilishiche,19 - iyun küni 20 dölet bashliqliri yighinida, hemme dölet süriyide dawamlishiwatqan urush intayin xeterlik ikenlikini, beshar asad texttin chüshürülüshi kéreklikini étirap qildi. Rusiye prézidénti wladimir putin bilen xitay re'isi xu jintaw gerche süriyidiki urushning xeterlik ikenlikini étirap qilsimu, emma beshar asadni texttin chüshürüshni ret qildi.
2012-06-20
Amérika awam palatasi 6 - ayning 18 - küni, amérikida buningdin 130 yil burun yüz bergen xitaylarni chetke qéqish déloliri üchün namaqul bolush heqqide qarar maqullidi. Amérika awazining bayan qilishiche, amérika dölet mejlisining xitay ezasi jawméyshin xanim bu qararni tebriklep qilghan sözide, her qandaq bir döletning ötken xataliqlarni iqrar qilishi we namaqul bolushi qedirleshke erziydu, dep jakarlidi.
2012-06-20
Fransiye agéntliqining bayan qilishiche, fransiye tashqi ishlar ministiri bérnard waléro bügün kambodzhagha agahlandurush bérip, xitaydiki “Boshiley délosi” da nami tilgha élin'ghan fransiyilik binakar patrik déwillér, qanunluq pakit bolmighan ehwal astida qolgha élinmasliqi kérek dep jakarlidi.
2012-06-20
Amérika dölet ishlar ministirliqining her yili bir qétim élan qilinidighan adem etkeschilik doklati charshenbe küni élan qilindi. Amérikining bu yilliq doklatida dunyaning her qaysi elliridiki adem etkeschilik qilmishining ötken bir yilliq ehwali we her qaysi el hökümetlirining buninggha qarshi tutqan pozitsiyisi etrapliq bayan qilin'ghan.