Arxip
2013-04-23
Uyghurbiz torining xewiridin melum bolushiche, 23 yashliq nurmemet ismayil héytka meschiti aldidiki dukinida qur'an satqanliqi üchün,2013 - yili 1 - mart küni tutqun qilinip 50 kündin ashqan bolsimu qoyup bérilmigen.
2013-04-23
Uyghurbiz torining xewiride déyilishiche, shu yer waqti 22 - aprél düshenbe küni etigende aqsu shehiridiki xalide we zulpiye isimlik acha - singil dadisidin miras qalghan turalghu öyi xitay shirketliri teripidin mejburiy chéqiwétilish weqesige naraziliq bildürüp qarshiliq körsetkini üchün, öy chéqishqa mes'ul bolghan xitay bashliqning buyruqi bilen urup yarilandurulghan.
2013-04-23
Xewerlerdin melum bolushiche, yaponiyining xitaydiki bash elchisi 23 - april küni etigen xitay tashqi ishlar ministirliqigha naraziliq xéti yollap, 23 - aprél seherde sénkako arili déngiz tewelikige kirgen sekkiz dane xitay paraxotining yaponiye déngiz tewelikidin derhal chiqip kétishini telep qilghan.
2013-04-23
Radi'omiz igiligen uchurlar we en'gliye b b s agéntliqi qatarliq xelq'ara metbu'atlarning xewerliridin melum bolushiche, sichüenning tibetler we xitaylar arilash olturaqlashqan ya'en shehiride 20 - aprél yüz bergen 7 bal yer tewreshtin kéyin, shu jay waqti 23 - april seyshenbe küni kéchigiche apetke uchrighan ahale 40 mingdin ashqan.
2013-04-23
Radi'omiz igiligen uchurdin melum bolushiche, 23 - aprél seyshenbe küni xénendiki qan bérish sewebidin yuqumlan'ghan eydiz bimarliridin 150 tin artuq kishi, xénen ölkilik hökümet binasi aldigha yighilip, hökümettin ularning dawalash chiqimini we eyni chaghda wede qilin'ghan tölem pulni emeliyleshtürüshni telep qilip namayish qilghan.
2013-04-23
Hindistan - xitay chégra ixtilapi 1962 - yili ikki dölet arisidiki herbiy toqunushni keltürüp chiqarghan. Arunachal - paradash shtati we keshmirning aqsaychin rayoni hindistan - xitay arisidiki chégra ixtilapining muhim tügüni.
2013-04-23
Xitay hökümiti Uyghur élidiki Uyghur qatarliq yerlik milletlerge qolliniliwatqan “Qosh til ma'arip siyasiti” namidiki ma'aripni xitaychilashturush siyasitini sür'et bilen emelge ashurush üchün yéqinqi yillardin buyan zor küch chiqarmaqta.
2013-04-23
Hörmetlik radi'o anglighuchilar, pichandiki xitay da'iriliri 7 yashliq Uyghur balini chanap öltürgen xitay qatil gumandarini, rohiy késelge chiqirip teshwiqat élip barghandin buyan, pichandiki yerlik xelq nöwette bu teshwiqatqa süküt bilen bilen jawab qayturmaqta.
2013-04-23
Parizhda chaqirilghan 6 - nöwetlik dunya Uyghur ayalliri yighini 22 - aprél yépildi. Yighin yépilghan shu küni d u q re'isi rabiye qadir xanim yighin'gha qatnashqan ayallarning birdek qoshulushi bilen, dunya Uyghur ayallar birliki qurulghanliqini élan qildi.
2013-04-23
Xitay axbarat wastiliri bügün Uyghurlarning rak késilige giriptar bolup ölüsh nispitining yalghuz xitay boyichila emes, dunya boyichimu aldinqi qatarda turidighanliqini tunji qétim étirap qildi.
2013-04-23
Yaponiyide chiqidighan “Asahi shinbun” gézitining xewiride déyilishiche, mushu ayning 21 - küni yeni tokyodiki yasukuni buzrukwarlar qebristanliqida her yili bahar pesilde ötküzülidighan shinto dinining üch künlük diniy bayrimining birinchi küni, yaponiye ministirliridin mu'awin bash weziri, iqtisad ministiri aso taro, shimaliy koriyege mejburiy tutup kétilgen yaponlar mesilisige mes'ul ministir ké'iji furuya, xelq'ara munasiwet,alaqe ministiri yoshitaka shindo we ichki kabinétning mu'awin sikrétari katsunobu kato qatarliqlar yasukuni buzrukwarlar qebristanliqini ziyaret qilghan.
2013-04-23
Gollandiyelik parlamént ezasi “Andorofan” isimlik bir shexs mundin bir yérim yil burun islam peyghembiri muhemmed eleyhissalamni haqaretlep hejwiy filim ishligen, andin yene shundaq bir filim ishlesh üchün diniy matériyallarni körüsh jeryanida 3 ay burun musulman bolghanliqini élan qildi.
2013-04-22
Aldinqi küni schüenning ya'en dégen jayida yer tewresh apiti yüz bergendin kéyin, xongkong rayon bashliqi parlamént maliye komitétidin apetke uchrighuchilargha üchün 79milyon, 610 ming som yardem puli ajritishni telep qilghan. Awmén hökümitimu mezkur apet rayonigha 77milyon 300 ming som yardem qilidighanliqini élan qilghan.
2013-04-22
Yéngi zélandiye axbarat wastiliride bayan qilinishiche, yéngi zélandiyening kirischarch shehiridin kelgen, bir türküm radikal milletchiler, awklan shehiride yashawatqan xitay köchmenlirining xewp - xeterliri heqqide teshwiqat waraqliri tarqitish we xitay köchmenlirige qarshi hujum élip bérish üchün bir qisim teyyarliq pa'aliyetliri bilen meshghul bolghan.
2013-04-22
Xitay tashqi ishlar bayanatchisi, bügün amérikining insan heqliri doklatigha inkas qayturghanda, xitaydiki insan heqliri depsendichilik weziyitini ret qilalmighan. U sözide “Dunyada héch bir döletning insan heqliri weziyiti mukemmel emes” déyish arqiliq, xitaydiki insan heqliri depsendichilik weziyitini wastilik étirap qilghan.
