Arxip
2015-02-27
Xitay aliy sot mehkimisi barliq kompartiye kadirlirini “Gherbning xata idiyiliri” din saqlinishqa chaqirghan. Xitayning hökümet awazi hésablinidighan junggo xewerler tori élan qilghan xewerde éytilishiche, xitay aliy sot mehkimisi partiye komitéti charshenbe küni chaqirghan yighinida gherbning “Edliye musteqilliqi” we “Hoquqlarni ayrish” qa oxshash idiyiliri bilen chek - chégra ayrishni otturigha qoyghan. Yighinda yene, gherbning xata idiyiliridin hezer eylep, “Ju nggoche alahidilikke ige sotsiyalizm” yolidin qet'iy tewrenmeslik tekitlen'gen.
2015-02-27
Uyghur élida yéqinqi ikki hepte ichide arqa - arqilap 3 chong weqe yüz bérip, nurghun kishi ölgen bolsimu, xitay hökümet da'iriliri we uning xewer agéntliqlirining héchqaysisi bu weqelerni élan qilmighan. Biraq, istansimiz muxbirlirining weqe yüz bergen bay nahiyi'isi we qaghiliq nahiyisige téléfon qilip éniqlashliri netijiside weqelerning tepsilatliri delillen'gen idi.
2015-02-27
Xelq'araning pil chishi sodisi mesiliside xitayni qattiq eyiblishi netijiside, xitay da'iriliri bügün pil chishi import qilishni waqitliq chekligenlikini élan qilghan. B b s ning xewer qilishiche, xitay istimalchilirining pil chishigha bolghan yuqiri telipi afriqa ormanlirida pillarning qalaymiqan we wehshiylerche owlinishigha seweb bolghan. Xelq'ara organlar eger mushundaq kétiwerse, bir qanche yilgha qalmayla afriqida pilning nesili qurup kétidighanliqini agahlandurghan.
2015-02-27
Amérika dölet istixbarat idarisi bügün élan qilghan bir doklatida, amérikigha kélidighan eng zor xewpning intérnét tor hujumi ikenlikini bildürdi. Doklatta éytilishiche, herqaysi buzghunchi teshkilatlar, tor jasusliri amérikining dölet organliri we xususiy shérketlirining uchur séstimilirigha hujum qilip, amérikining iqtisadiy bixeterliki we shundaqla xewpsizlikige tehdit peyda qilghan we bu tehdit barghanche zoraymaqta iken.
2015-02-26
Xitay xelq qurultiyining da'imiy komitéti xitayning tunji “Térrorluqqa qarshi turush qanun layihisi” bezi özgertishlerni kirgüzdi.
2015-02-26
“‛Uyghurlarning qisqiche tarixi‚ ni yézish guruppisi” dep atalghan bu sirliq guruppidiki kishiler arisida Uyghur tarixchilirimu bolghanmu? eger bar déyilse, “Uyghurlarning qisqiche tarixi” namliq bu hökümet kitabida Uyghur aptorlar yazghan mezmunlar kirgüzülgenmu - yoq?
2015-02-26
Türkiyede yashawatqan jama'et erbabi we siyasiy analizchi abdul'eziz ependi xitayning Uyghurlargha qaratqan zamaniwi medeniyet teshebbusi we Uyghurlargha téngiwatqan kichik alma usuli heqqide toxtaldi.
2015-02-26
Bundin ikki ay burun türkiyening qeyseri wilayitidiki döletning a'ililik qorosigha waqitliq orunlashturulghan Uyghurlarning perzentliri Uyghur tili bilen dinini öginishke bashlidi.
2015-02-26
2015 - Yili 2 - ayning 22 - küni türkiyining chorum shehiride “Sherqiy türkistanda musulmanlar üstidin yürgüzüliwatqan xitay zulumi” dégen témida yighin ötküzüldi.
2015-02-26
Qaramay shehiride yerlik da'iriler mektep püttürüp, xizmet saqlawatqan 29 yashtin töwen qaramay nopusidiki Uyghur yashlardin her yili imtihan élip, layaqetlik bolghanlardin 8% ini néfitlikke xizmetke orunlashturidiken.
2015-02-26
Qirghizistandiki péshqedem zhurnalist, ittipaq gézitining sabiq bash muherriri shemshidin abduréhim “Ana tilni qoghdash” küni munasiwiti bilen, nöwette Uyghur éli we chet'ellerdiki Uyghur tili duch kéliwatqan xirislar heqqidiki toxtaldi.
2015-02-26
23-Féwral merkizi tokyodiki yaponiye yorungsha axbarat shirkitining tarqitishidiki “Yaponiye awazi” intérnét téléwiziye qanilida, yéqinda bay nahiyeside yüz bergen weqe heqqide neq meydandin anglitish söhbet programmisi bérilgen.
2015-02-25
Xeter astidiki xelqler jem'iyiti namliq gérmaniye kishilik hoquq teshkilati bayanat élan qilip, Uyghur ilidiki jiddiy weziyetni saqchilarning zorawanliqi keltürüp chiqiriwatqanliqini agahlandurdi. Mezkur organ 24 - féwral élan qilghan bayanatida, Uyghur ilida yéqinqi 10 kün ichide 25 kishi saqchilar bilen Uyghur otturisidiki toqunushta ölgenlikini tekitlep, “Bu, shinjang yaki sherqiy türkistan rayonida weziyet yene bir qétim jiddiyliship ketkenlikining roshen ipadisi” dégen. Bayanatta körsitishiche, a'ile ezaliri siyasiy seweblik türmide yatqan, saqal qoyghan yaki en'eniwiy islami kiyim kiygenliki üchün da'irilerning neziride on minglighan Uyghur gumanliq kishilerge aylinip qalghan.
2015-02-25
Bérma - xitay chégrisidiki étnik xitay qoralliq guruhining rehbiri, xitay yallanma eskerlirining özlirige yardem qilip, bérma hökümet armiyesige qarshi urush qiliwatqanliqini ret qildi. Bérma hökümiti burnakün xitay yallanma eskerli'irining bérmigha kirip, étnik xitay qoralliq guruhigha yardem qilghaliqini bildürgen. Béyjing hökümitini bérma bilen hemkarliship, xitay zéminini baza qilghan “Térrorluq hujum”ning aldini élishqa chaqirghan idi.
2015-02-25
Xitay jasusluq orgini - dölet bixeterlik ministirliqining mu'awin ministiri ma jyen xitay memliketlik siyasiy kéngeshining ezaliqidin qaldurulghan. Shinxu'a agéntliqining xewer qilishiche, xitay memliketlik siyasiy kéngishi ma jyenning ezaliqtin qaldurulghanliqini bildürgen bolsimu, biraq héchqandaq tepsiliy melumat bermigen.
