Пәлсәпә пәнлири доктор аспиранти мухтарҗан: тунҗи уйғур пәлсәпә доктори абдурейимҗан турсунни әсләймән.

Ихтиярий мухбиримиз һаҗи қутлуқ қадири
2014.06.29
Share on WhatsApp
Share on WhatsApp
abdurehim-tursun-305.png Уйғур алими абдуреһим турсун
misranim.cn


Уйғур дияридин йетишип чиққан тунҗи уйғур пәлсәпә пәнлири доктори абдурейимҗан турсун вапатиниң бир йиллиқи мунасивити билән мәрһумни дуняниң һәр қайси җайлирида яшаватқан қериндашлири, савақдашлири, пикирдашлири сеғиниш ичидә әслимәктә.

Пәлсәпә пәнлири доктори абдурейимҗан турсун өзиниң аҗайип иҗадий әмгәклири билән уйғур пәлсәпә тәтқиқат тарихида өз изини қалдуруп, 2013 - йили, 6 - июл күни 40 йешида вапат болған иди.

Пәлсәпә пәнлири доктори абдурейимҗанниң вапати мунасивити униң устази, қирғизистан пәнләр академийәсиниң академики, атақлиқ пәлсәпәшунас алим профессор әзиз наринбайеф, қазақистан туран университетиниң профессори, тарих пәнлири доктори, атақлиқ тарихшунас абләт камалоф, қазақистан абай дөләт университетиниң профессори, тилшунас вә уйғур мәдәнийәт тәтқиқатчиси руслан арзийеф, қазақистанда тонулған язғучи авут мәсимоф вә уйғур елиниң ичи - сиртидики башқа зиялийлар өз тәзийәлирини билдүрүп, абдурейимҗанниң дәсләпки оттура әсирләр пәлсәпиви пикирлири тәтқиқатиға, җүмлидин униң рус тилида нәшир қилдурған “дәсләпки оттура әсир уйғурлириниң пәлсәпиви идийәлири” мавзулуқ монографийәсигә юқири баһа бәргән иди.

Доктор абдурейим турсунниң вапатиниң бир йиллиқи мунасивити билән мәрһумниң әйни йиллардики мәктәпдеши вә шундақла достлиридин бири болған японийә кюшу университети пәлсәпә пәнлири факултетиниң доктор аспиранти мухтарҗан абдурахман мәрһум доктор абдурейимҗан турсунниң һаяти, иҗадийити вә кишилик пәзилити тоғрисида тохталди.

Пәлсәпә пәнлири бойичә доктор аспирант мухтарҗан абдурахман абдурейимҗан турсунниң дәсләпки оттура әсир уйғур пәлсәпәсини көп хил мәнбәләр вә нәзәрийиви билим асасида системилиқ, илмий рәвиштә тәтқиқ қилип, бу саһәдә башламчилиқ ролини ойниған кәспий пәлсәпә мутәхәссиси икәнликини баян қилди, шундақла өзиниң мәрһум билән 1990 - йилларда үрүмчидә савақдаш болуп, достлишип йүргән чағлиридики әслимилирини баян қилип, абдурейимҗанниң тиришчан, гүзәл әхлақ - пәзиләтлик вә ақ - көңүл бир инсан болғанлиқини тәкитлиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.