“Erkinlikke seper” namliq tatarlar heqqidiki kitab neshirdin chiqti
2013.11.24
23 - Noyabir awstraliyining adilayd shehiridiki “Tatar - bashqurt jem'iyiti”ning orunlashturushida ayishe maskiy xanim we ziya maskiy ependilerning “Erkinlikke seper” namliq kitabining in'gliz tili hem tatar tilida muweppeqiyetlik halda neshirdin chiqqanliqini hem bazargha sélin'ghanliqini tebriklesh pa'aliyiti élip bérildi. Bu pa'aliyetke jenubiy awstraliye shtatliq hökümitining wekilliri, tatar - bashqurt jem'iyet ezaliri shundaqla sherqiy türkistan awstraliye jem'iyet ezaliridin wekiller qatnashti.
Pa'aliyette hökümet wekilliri, tatar - bashqurt jem'iyet ezaliri ayishe xanimning muweppeqiyetliri üchün tebrik sözliri qildi.
Bügünki bu pa'aliyet üchün xanimlar shé'ir, naxshilarni teyyarlap kelgen bolup, tatar til mektipi oqughuchilirimu özliri teyyarlap kelgen nomurlarni köpchilkning hozurigha sundi. Ular özlirining chüchük tilliri bilen ayishe maskiy xanim ijadiyetliridin bolghan shé'irlardin birni déklamatsiye qilip köpchilikning qizghin alqishlirigha érishti.
Bu kitab heqqide téximu éniq uchurlargha érishish üchün kitab aptori ayishe maskiy xanimni ziyaret qilduq.
Bügünki bu pa'aliyetke qatnashqan, “Köz yéshida nemlen'gen zémin” namliq kitabning aptori söyün'gül xanim pa'aliyettin kiyin ziyaritimizni qobul qildi.