"Köz yéshida nemlen'gen zémin" namliq kitab rus we tatar tilliridimu neshir qilindi

Muxbirimiz ümidwar
2015-06-07
Share
koz-yeshida-nemlengen-zemin.jpg
Photo: RFA


Awstraliyige bérip olturaqliship qalghan söyün'gül janishéf xanim yazghan "Köz yéshida nemlen'gen zémin" namliq kitabning türkche neshiridin bashqa yene rusche we tatarche terjimilirimu neshir qilinip, oqurmenlerge sunulghan.

Bu eserning Uyghurchisining ikkinchi neshri oqurmenler bilen yüz körüshti. Kitab 1 - qétim 2006 - yili istanbul teklimakan Uyghur neshiriyati teripidin Uyghur tilida neshr qilin'ghan idi. 2 - Neshri bu ay yene istanbuldiki teklimakan Uyghur neshiriyati teripidin qayta neshir qilindi. "Köz yéshida nemlen'gen zémin" namliq kitabning 2 - neshri 676 bettin, terkip tapqan bolup, kitabta aptorning 1960 - yilidin 1980 - yilighiche bolghan medeniyet inqilabi mezgilidiki kechürmishliri we xitaylarning Uyghur diyarida élip barghan siyasetliri bayan qilin'ghan. Eserde eyni waqittiki kishilerning isimliri öz péti élin'ghan bolup, Uyghurlarning yéqinqi zaman siyasi tarixini tetqiq qilish üchün zor ehmiyetke ige.

Kitabning aptori söyün'gül janishéf xanimning éytishiche bu eserning Uyghurchisi neshir qilin'ghandin kéyin oqurmenlerning qattiq diqqitini qozghighan, hazirghiche türk, rus we tatar tillirigha terjime qilip tarqitilghan bolup, hazir in'giliz, wén'gir, qazaq we yapon tillirigha terjime qiliniwétiptidek.

Mezkur kitabni sha'ire nurela göktürk xanim 2011 - yili türkchige terjime qilghan bolup, merkizi istanbulda turushluq türk dunyasi tetqiqat merkizi teripidin neshr qilin'ghan idi. Rusche terjimisi tataristanda terjime qilinip, rusiye fédératsiyesi we ottura asiya türkiy jumhuriyetliride tarqitilmaqta.

"Köz yéshida nemlen'gen zémin" namliq kitabning 2 - neshrining muqawisi kök rengde bolup, bulutluq asmandiki bir közdin éqiwatqan yashning sherqiy türkistan zéminigha éqiwatqanliqi teswirlen'gen resim qoyulghan. Kitabning muqawisining ichige aptor söyün'gül chanishéf xanimning yashliq chéghidiki resimliri kirgüzülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet