"тарих вә бүгүн" (15 - январ)

"тарих вә бүгүн" сәһипимизниң бу йәкшәнбилик қисимда оттура әсирләрдә уйғур қәбилилириниң әң дәсләптә анатолийигә келиш тарихи, бу йәрдин тепилған археологийилик қезилмилар һәққидики мәлуматлар вә 1940 - йиллар тарихиға аит әслимиләр шуниңдәк мәрһум зия сәмәдиниң1930 - йиллиридики миллий азадлиқ һәрикәт тарихиға беғишлиған тарихий әслимә характерлиқ романи"йиллар сири"да баян қилинған тарихий вәқәләрниң давами билән тонушисиләр.
Мухбиримиз үмидвар
2012-01-15
Share
ziya-semidi-305.jpg Мәрһум зийа сәмәдиниң сүрәтлиридин бири.
RFA File

Йеқинда түркийиниң аматсийә вилайитидә 11 - әсирләргә тәвә 8 яшлиқ бир қизниң қуруқ җәсити тепилған. Түркийә археологийә вә тарих мутәхәссислири бу қуруқ җәсәт тепилған анатолийә, җүмлидин аматсийә райониниң етник тарихи тәтқиқатини башливәтти, улар бу җайда әйни вақитта уйғур вә башқа түркий қәбилилириниң бу районға кәлгәнликини оттуриға қоймақта. Бу һәқтә әркин тарим мәлумат тәйярлиди.

Алмута шәһиридә яшайдиған мәхсут ибрайимоф бу йил 87 яшқа кирди. У өзи вә акиси һәм дадиси 1940 - йиллардики миллий азадлиқ инқилабиға қатнашқан чағистайлиқ кишиләрдур. Униң бовиси нәзәрғоҗа абдусәмәтоф 20 - әсирниң 20 - йиллирида уйғур тарихи тәтқиқати билән шуғулланған тунҗи уйғур тарихчилириниң бири иди. Акиси махмут пармаш болса әхмәтҗан қасиминиң катипи болуп ишлигән. Мәхсут ибрайимоф өзиниң көргән - билгәнлирини алмутадики ихтияри мухбиримиз ойғанға сөзләп бәрди.

Аптор "йиллар сири" намлиқ тарихий романниң бу қисмида 1934 - йили, хоҗа нияз һаҗим үрүмчигә муавин рәис болуп кәлгәндин кейинки вәзийәт, тунҗи нөвәтлик өлкилик хәлқ қурултай йиғини һәм шең шисәйниң һилә - нәйрәңлик сиясий тактикилири һәққидә баян қилиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт