Xemit kenjibayéf: 1944 - 1949 - yilliri ruslar Uyghurlar bilen bir septe jeng qilghan

Muxbirimiz ümidwar
2013.10.20
Xemit-Kenjibayef-xemit-kenji.jpg Sabiq milliy armiye mayori xemit kenjibayef.
RFA


1944 - 1949 - Yilliridiki milliy azadliq inqilabning qatnashquchisi, sabiq milliy armiye mayori xemit kenjibayéf bu yil 91 yashqa kirdi. Xemit kenjibayéf ependi hazir qirghizistanning paytexti bishkek shehiride yashimaqta.

Xemit kenjibayéf bashlan'ghuch we ottura mektep terbiyisini ghulja shehiridiki rus bashlan'ghuch mektipi we rus gimnaziyiside alghan bolup, rus gimnaziyisini püttürgendin kéyin Uyghur mektipide oqutquchi bolghan.

U, 1944 - yi'i, 11 - ayda milliy inqilab partlighanda inqilabqa qatnashqan hem aqsudiki urushlarda bolghan. 1945 - 1949 - Yilliri arisida milliy armiye bash qomandanliq shitabida 4 yil xizmet qilip, mayor unwanigha érishken idi.

Xemit kenjibayéf rus tilini yaxshi bilgenliki üchün sowét ittipaqidin kelgen ofitsérlar we ghuljidiki ruslardin yétiship chiqqan ofitsérlar bilen yéqin alaqilarda bolghan idi. Uning éytishiche, ghuljidiki ruslar milliy inqilabqa aktip qatniship, Uyghurlar bilen bir septe jeng qilghan.

Eslide Uyghur élidiki bu ruslar 20 - esirning béshida sowét rusiyisige qarshi küresh qilip qéchip kelgenler we ularning perzentliri bolup, mezkur ruslar 1931 - 1934 - yilliri jin shurén we shéng shisey teripidin ishqa sélinip, Uyghur qozghilangchilirini basturushqa qatnashqan idi, emma, bu qétim ular Uyghurlar bilen bir septe turup sherqiy türkistan jumhuriyitini qurushqa qatnashqan.

Diqqitinglar öz muxbirimiz ümidwar hazirlighan xemit kenjibayéfning inqilab eslimisige a'it söhbetlerning dawamida bolsun.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.