Sin

Uyghur yashliri esma we amine bilen söhbet: “Uyghur dawasidin toxtap qalmaymiz!”

2024-04-27

Xitay hökümiti yillardin buyan Uyghur diyarida ijra qilip kéliwatqan qirghinchiliq mahiyette Uyghur jem'iyitini “Qap beldin oshtup tashlash”tek meqsitige toluq yetti, dep qariliwatqan bolup, buningda kishiler Uyghur til-yéziqi, medeniyiti, diniy étiqad sahesi qatarliqlar duch kelgen weyran qilish xaraktérlik buzghunchiliqlarni nezerde tutup kelmekte. Bu zulum we basturushlar bir yaqtin Uyghurlarning xitay heqqidiki chüshenchisini yéngilash rolini oynighan bolsa, yene bir yaqtin Uyghurlarning uyushush we qarshiliq körsitish xahishini téximu yükseldürüp kelmekte. Bolupmu xitay hökümiti ashkara otturigha qoyghan “Yiltizini késip tashlash, nesebini üzüp tashlash” heqqidiki sho'arlar Uyghur diyaridiki assimilyatsiyening “Jungxu'a ortaq kimliki” berpa qilish namidiki yéngi pellisini yaritiwatqanda muhajiret muhitidiki bir qisim Uyghur yashliri özlirining Uyghur dawasining izbasarliridin bolush iradisini namayan qilip kelmekte. Gérmaniyede tughulup chong bolghan esma memtimin we amine tursunni ene shu xil yashlar jümlisidin, déyish mumkin.

Köp körülgen