Sin

Uyghurlarning küresh qissesi 6-qisim: ümid uruqi chéchish

2024-02-14

Uyghur diyaridiki qattiq basturushlardin qéchip chiqqan jür'etlik Uyghur ayal-munewwer hazir türkiyediki nuzugum fondigha riyasetchilik qilmaqta. U mangduruwatqan bu medeniyet öyi yalghuz Uyghur tili we medeniyitige hamiyliq qilipla qalmastin, belki ilahiy ilhamning türtkiside Uyghur medeniyiti sahesidiki soda-sétiq ishlirinimu yürüshtürüp mangmaqta. Tewekkülane tirishchanliqlardin qolgha kelgen payda we kirim, bir qisim qol hüner maharitige ige. Uyghur ayallirini ish pursitige érishtürüp, ularni iqtisadiy musteqilliqqa ige qilmaqta. Nuzugum fondi 2013-yili qurulghan bolup, türkiyediki Uyghur tul ayallar, qizlar we yétim balilarni terbiyelesh hemde ulargha iqtisadiy jehettin yar-yölekte bolushni meqset qilghan. Nuzugum fondining yéqinda ishqa ashurghan yene bir muhim tirishchanliqliridin biri qira'etxana échish bolup, uningda Uyghur diyarida cheklen'gen yaki yighiwélin'ghan kitab-matériyallar saqlanmaqta. Munewwer özUyghurning hékayisi qeyserlik, milliy medeniyetke bolghan ghurur we iptixar, shundaqla muhajirettiki Uyghur topluqlirida qiz-ayallarning qeddini kötürüshtin ibaret arzular bilen tolghan.