Xitaydiki 4 milyon aliy mektep oqughuchisining xizmet tépishi tes bolmaqta



Share

Xitayning döletlik tereqqiyat islahat komitétining yéqinda chiqarghan ishqa orunlishish ehwali heqqidiki bir tekshürüsh doklatigha qarighanda, bu yil oqush püttüridighan oqughuchilarning 60% ining ishqa orunlishishi teske chüshidiken.

Mezkur komitét bu doklatini 4‏-ayning axirliri chiqarghan bolup, 2006‏- yili pütün xitayda oqush püttüridighan adettiki aliy mektep oqughuchilirining sani 4 milyondin ashidiken. Bu san ötken yildikidin 22% köp bolghan. Emma bu yil pütün xitayda aliy mektep oqughuchilirigha éhtiyajliq bolghan san aran 1 milyon 665 ming iken.

Xitay emgek ministirliqining mu'awin ministiri jang shyawjyen buningdin kéyinki bir nechche ay ichide, xelq'arada soda sürkilishining éghirlishishi, dölet ichidiki ishlepchiqirish iqtidarining heddidin ziyade éship kétishi we xelq puli qimmitining éshishi qatarliq amillarning, ishqa orunlishish ehwalini téximu tesleshtüriwétidighanliqini bildürdi.

Xitay döletlik tereqqiyat islahat komitéti yene, hazirqi emgek küchi bazirining bundaq zor miqdardiki aliy mektep oqughuchilirini qobul qilip kételmeydighanliqini tekitlidi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet