Ürümchide xelq'araliq ammiwi axbarat pa'aliyiti ötküzüldi


2007.05.20

20-May küni ürümchi shehiride Uyghur aptonom rayoni da'irilirining sahipxanliqi we xitay dölet ishliri kabinéti axbarat idarisining qollishi astida" junggo - shinjang 2007 - yilliq ottura - gherbiy asiya ammiwi axbarat wasitiliri munbiri" dep atalghan uchrishish bolup ötti. Buninggha ottura asiya we gherbiy asiyadiki 10 nechche dölettin kelgen 40 nechche yuqiri derijilik ammiwi axbarat wasitilirining mes'ulliri ishtirak qilghan bolup, partkom teshwiqat bölüm bashliqi li yi söz qilghan.

Shinxu'a agéntliqining uchuridin melum bolushiche, pa'aliyetke xitay merkiziy komitét teshwiqat idarisi, shinxu'a we bir qisim ölkilerning agéntliqliri shuningdek xitayning merkiziy axbarat ishlirigha mosul muhim erbablirimu qatnashqan.

Uchurlargha qarighanda, bu pa'aliyet ottura asiya döletliridin bashqa yene rusiye, iran, türkiye qatarliq yawro - asiyada tesiri bar döletlerning axbarat wasitiliriningmu diqqitini jelp qilghan. Xitay da'iriliri bu pa'aliyiti arqiliq Uyghur élining xitayning ottura, gherbiy asiya we jenubiy asiya hemde sherqiy yawropa bazarlirini échishidiki aldinqi sep istihkamigha aylan'ghanliqini, Uyghur élining til, medeniyet, örp - adet jehetlerde yuqiridiki rayonlar bilen oxshashliqqa hemde tarixtin béri chongqur muhebbetke ige bolup kelgenlikini mu'eyyenleshtürgen.

Dunya Uyghur qurultiyi bayanatchisining bildürüshiche, ilgiri xitay da'iriliri siyasiy éhtiyaj tüpeylidin Uyghurlarning ottura asiya xelqliri bilen bolghan medeniyet yéqinliqi we ortaqliqini inkar qilip, Uyghurlarning jungxu'a milliti ikenlikini körsitishke tirishqan bolsa, mana emdi tashqi siyaset we iqtisadiy payda üchün Uyghurlarning ottura hem gherbiy asiya xelqliri bilen bolghan köp jehetlerdiki oxshashliqlirini étirap qilip, uningdin paydilinish taktikisi qollanmaqta iken. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.