Xitay diniy ishlar emeldari yé shawwén washin'gtonni ziyaret qildi

2008-02-21
Élxet
Pikir
Share
Print

Xitay döletlik diniy ishlar idarisining bashliqi yé shawwén washin'gtonni ziyaret qilip, amérikigha béyjing olimpik yighini harpisida xitay diniy erkinlik weziyitini tenqid qilidighan doklat yaki bayanatlar élan qilmasliq heqqide nesihet qilmaqta. Yé shawwén washin'gtonda amérika emeldarliri bilen söhbet ötküzdi hem jorjitawn uniwérsititida söz qilip, xitayning diniy erkinlik xatirisini aqlidi.

U charshenbe küni amérika yardemchi tashqi ishlar ministiri pa'ula dobréynskiy bilen körüshkendin kéyin muxbirlargha bayanat élan qilip, xitayning tinch tereqqiyati diniy étiqad we kishilik hoquqqa hörmet qilishqa tayinidighanliqini ilgiri sürgen. U yene prézidént bushning xelq'ara diniy erkinlik bash elchisi jon xanfrid qatarliqlar bilen söhbet ötküzdi.

Yé shawwén, amérika tashqi ishlar ministirliqi 2007 ‏- yili élan qilghan xitayning diniy mezheplerni üzlüksiz basturuwatqanliqi tenqid qilin'ghan diniy erkinlik doklatini " asassiz" dep eyibligen xitay emeldarlirining biri idi. U, jorjitawn uniwérsitétidiki sözide xu jintawning yéqinda sözligen dinning roli heqqidiki bayani"dunyagha bérilgen muhim bisharet" deydu. Lékin xitayning diniy erkinlik xatirisi amérika we xelq'ara kishilik hoquqi teshkilatlirining üzlüksiz tenqidige uchrimaqta. Bolupmu xitayning Uyghurlargha qaratqan diniy siyasiti, Uyghur yash ösmürlerning diniy telim - terbiye élish, namaz oqush, roza tutush hem hej qilishini cheklesh qatarliqlar tenqidke uchrimaqta idi.

Yé shawwén, amérika dölet mejlisining tibet rohani dahisi dalay lamagha sherep médali bérish weqesige baha bérip, xitayning olimpik bilen aldirashliqini, buninggha ghezeplinishke " waqti yoqluqini" bildürdi. U, jorjitawn uniwérsitétida watikanning washin'gtondiki bash elchisi bilen söhbet ötküzdi hemde xitay bilen watikan arisidiki pikir ixtilapi aziyiwatqanliqini bildürdi. (Erkin)

Pikirler (0)
Share
Toluq bet