Amérika kéngesh palatasi iraqtin esker chékindürüshni bashlash toghrisida qarar maqullidi


2007-04-27
Share

Peyshenbe küni amérika kéngesh palatasi awaz bérip mushu yili 1-dikabirdin bashlap iraqtin esker chékindürüshni bashlash toghrisida qarar maqullidi.

Démokratchilar partiyisi uzundin béri iraqtin esker chékindürüshte ching turup kelgen bolsimu, lékin bu qétimliq awaz bérishte démokratchilar partiyisining 13 neper ezasi bu mezkur qarargha qarshi bilet tashlighan. Parlaméntning qararigha nisbeten aqsaray bayanatchisi bu qararning ademni tolimu ümidsizlendüridighanliqini bildürdi.

Aqsaray bayanatchisi Dana Perino mundaq dédi: " bügün parlamént ezaliri iraqtiki meghlubiyet üchün bilet tashlidi. Prézidéntmu bu qarargha awaz béridu". Awaz bérishtin burun, jumhuriyetchiler iraqtin esker chékindürüsh waqt chékini belgilesh ghelibini térrorchilargha ötküzup béridu déyishken idi.

Gerche amérikining iraqtiki yuqiri derijilik générali David Petraeus we bashqa dölet mudapi'e xadimliri palata ezalirini mezkur qararni maqullimasliqqa köndürüshke urun'ghan bolsimu netije qazinalmighan idi.

Washin'gton post géziti 27 ‏- april bergen xewerde qeyt qilinishiche, kéngesh palata urush xirajiti üchün 124 milyard dollar testiqlighan bolup, bu xirajet amérikini 1- iyolghiche iraqtin esker chikindürüshke bashlashqa mejburlaydiken.

Amérika bashchiliqidiki birleshme armiye 2003 - yili iraqqa bésip kirgen bolup hazirgha qeder amérika tereptin 3337 adem chiqim bolghan. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet