Qirghizistanliqlar qaytidin familisini ruschilashturmaqta

Qirghizistanning "24 sa'et" dep atalghan xewerler agéntliqining uchuridin melum bolushiche, qirghizistanning jenubidiki osh, jalal abad, batken qatarliq oblastlirida kishilerning rusiyige bérip ishlesh üchün pasportliridiki famililirini ruschilashturiwatqanliqi, yeni, burunqi "qizi" we oghli" dégendek qoshumchilarni qalduruwétip, uning ornigha sowét ittipaqidiki en'ene boyiche ayallarning familisining arqisigha " owa'', "éwa", erlerningkige " ow" yaki " éw" qoshumchisini qoshup yazduruwatqanliqi melum.

Bu heqte qirghizistan edliye ministirliki melumat bergen bolup, bundaq, familini ruschilashturush ehwali ammiwi shekilde yüz bérishke bashlighan. Buningdiki asasiy seweb yerlik ahalilarning rusiyige bérip ishlishi hemde u yerde turushi we bashqa qolayliq shara'itlar üchün iken.

Sowét ittipaqi yimirilgendin kéyin, ottura asiya jumhuriyetliride milletchilikning küchiyishige egiship, rusche famile qollinishni emeldin qaldurush xahishliri peyda bolghan hemde bir qisim döletlerde bu ish melum derijide emelge ashqan bolup, shu wejidin köpligen qirghizistanliqlar " of we owa " dégendek rusche qoshumchilarni tashliwetken idi.

Hetta yéqinda tajikistan prézidénti imaméli raxmanmu özining eslidiki familisi raxmanowning arqisidiki " ow" qoshumchisi emeldin qaldurup, "men raxmanow emes raxman" dep élan qilghan idi. Hazir, tajikistan we qirghizistan ahalisining töttin bir qisimining rusiyige ishleshke ketkenliki melumdur. (Ümidwar)