Gérmaniyede “5-Féwral ghulja weqesi” ni xatirilesh namayishi ötküzüldi

“5-Féwral ghulja weqesi” ning 23 yilliqi munasiwiti bilen myunxén shehiridiki xitay konsulxanisi aldida naraziliq namayishi ötküzüldi. 2020-Yili 5-féwral. Myunxén, gérmaniye.

Gérmaniyede “5-Féwral ghulja weqesi” ning 23 yilliqini xatirilesh yüzsidin myunxéndiki xitay konsuli aldida namayish ötküzüldi.

D u q ning teshebbusi bilen dunyaning herqaysi elliridiki Uyghur teshkilatliri bügün “5-Féwral ghulja weqesi” ning 23 yilliqini xatirilesh yüzsidin namayish we türlük pa'aliyetler ötküzmekte. Gérmaniyening myunxén shehridiki xitay konsulxanisi aldidimu bügün “5-Féwral ghulja weqesi” ni xatirilesh namayishi ötküzüldi.

Myunxéndiki namayishni yawropa sherqiy türkistan birliki teshkilligen bolup, mezkur namayishqa qatnashqan d u q ning re'isi dolqun eysa ependi bu heqte pikir bayan qilip ötti.

Myunxéndiki Uyghur jama'et erbabi ablimit tursun ependimu neq meydandin ziyaritimizni qobul qilip, bügünki bu namayishning meqsidi toghrisida qarashlirini bayan qildi. D u q katipi zumret Uyghurmu bu heqte tesiratini otturigha qoydi. 

Bu qétimqi namayish chüshtin kéyin sa'et 15:00-17:00 giche dawam qildi. Namayishqa ishtirak qilghan Uyghur ziyaliysi ilchin ependimu bu heqte toxtaldi. D u q fondining mudiri abdujélil emet ependi namayishning nahayiti netijilik élip bérilghanliqini eskertti. “Sherqiy türkistan ölimalar biliki” ning mu'awin re'isi turghunjan hajimmu bügünki bu namayishqa yuqiri baha berdi.