Sénator marsha blakburn NBA ning Uyghur élidiki zulumlargha köz yumup exlaqiy jehettin meghlup bolghanliqini bildürdi

Muxbirimiz jüme
2020-08-09
Élxet
Pikir
Share
Print
Amérika kéngesh palatasi ezasi sénator marsha blakburn
Amérika kéngesh palatasi ezasi sénator marsha blakburn
c-span.org

Amérika kéngesh palatasi ezasi sénator marsha blakburn "Wal strét zhurnili géziti" de obzor élan qilip, amérika waskétbol birleshmisi-NBA ni Uyghur élidiki zulumlargha köz yumup exlaqiy jehettin meghlup boldi, dep eyiblidi.

Uning körsitishiche, amérikida ijtima'iy adalet bayriqini kötürüshke aldiraydighan NBA Uyghur éldiki meshiq bazilirida yüz bergen depsendichilik we xorlashlargha köz yumghan.

Ötken ayning axiri ESPN de bérilgen bir parche xewerde, amérika waskétbol birleshmisi xitayning Uyghur rayoni qatarliq jaylirida achqan meshiq bazilirida terbiyiliniwatqan yash topchilarning xarlinidighanliqi, xitay meshqawullarning oqughuchi topchilarni uridighanliqi, ulargha normal ma'arip terbiyesi bérelmeydighanliqini ashkarilighan. 

Xewerde körsitishiche yene, Uyghur élidiki meshiq bazilirida ishleydighan amérikiliq meshqawullar yerlik xitay saqchilirining teqiblirige uchrighandin sirt, öy ijare élishtimu qiyinchiliqqa yoluqqan iken. 

Sénator marsha blakburn obzorida mundaq körsetti: "NBANing shinjangdiki pozitsiyesi, xitay kompartiyesige bahasi muwapiq bolsila her qandaq nerse üstide, hetta adem hayati üstidimu sala qilishqa bolidighanliqidin ibaret küchlük uchurini yollidi."

U obzorida NBA ning yéqinqi aylardin buyan amérikida otturigha chiqqan ammiwi naraziliqlarda bashqa chong shirketlerge oxshashla ijtima'iy adalet bayriqini yuqiri kötürgenlikini, nöwette "Qarilarning hayatimu qedirlik" dégen sho'arning birleshmige eza 300 etrapidiki topchining maykisigha bésilghanliqini otturigha qoyghan. 

U, bu yerge kelgende mundaq yazghan: "Emma resmiy ijazet bérilgen hésdashliq bildürüshlerni NBA ning xitaygha tutqan pozitsiyesi bilen sélishturulmay turalmaysiz." 

U obzorida yene NBA ning "Uyghur we bashqa musulmanlar öltürülidighan" Uyghur élide 

2019-Yilidin buyan meshiq baziliri tesis qilishqa bashlighanliqini körsetken.

U mundaq yazghan: "Bu esliheler Uyghur musulmanliri we bashqa étnik az sanliqlarni keng kölemde olturush bilen sésiq nami taralghan, mejburiy siyasiy qayta terbiyelesh élip bériliwatqan we yehudiy chong qirghinchiliqidin kéyin puqralar eng keng kölemge qamalghan bir rayon'gha jaylashqan idi."

U NBA xadimlirining yillardin béri bularni bilip turghan bolsimu, héchqandaq agahlandurush bermigenliki, ularda héchqandaq exlaqiy jiddiylishish körülmigenliki, peqet ularning "Eqilge muwapiq halda ten almasliq" pozitsiyeside bolup kelgenlikini otturigha qoydi.

Xitay hökümiti ötken yili öktebirde NBA hoston rakéta komandisining bash diréktori daryl moréyning xongkongdiki namayishni qollap tarqatqan twittér uchuri seweblik NBA ge öch élish xaraktérlik pozitsiyede bolghan we NBA ni kechürüm soratqan idi.

Toluq bet