Roshen abbas doxtur gülshen abbas xanim tutulghanliqining ikki yilliq xatire küni xitay elchixanisi aldida namayishi qildi

Muxbirimiz jüme
2020-09-13
Élxet
Pikir
Share
Print
Roshen abbas doxtur gülshen abbas xanim tutulghanliqining ikki yilliq xatire küni xitay elchixanisi aldida namayishi qildi.
Roshen abbas doxtur gülshen abbas xanim tutulghanliqining ikki yilliq xatire küni xitay elchixanisi aldida namayishi qildi.
Photo: RFA

Amérikadiki Uyghur herikiti teshkilatining diréktori roshen abbas doxtur gülshen abbas xanim tutulghanliqining ikki yilliq xatire küni xitay elchixanisi aldida namayishi qilip, uning qoyup bérilishini telep qildi.

U, bu munasiwet bilen yollighan twittér uchurida mundaq dédi: "Doxtur gülshen abbas qanunsiz tutulghanliqining ikki yilliqi we 3 milyondin artuq Uyghurning xitay lagérlirigha tashlan'ghanliqigha qarshi xitay elchixanisi aldida namayish qiliwatimen."

U yene xitayning amérikada turushluq bash elchisige qaritip mundaq dédi: "Elchi suy tyenkey, biz a'ile ezalirimizning tinch-aman we tizidin qoyup bérilishini telep qilimiz. Bizge ularning hayat ikenlikni ispatlap ber."

Jüme küni élip bérilghan bu namayish, disnéy shirkiti yéqinda bazargha salghan "Mulen" filimi dunyawiy qarshiliqlargha uchrap, Uyghur mesilisige diqqet qaytidin merkezleshken peytlerge toghra keldi.

"Mulen" filimining bezi körünüshliri Uyghur élining turpan wilayiti teweside süretke élin'ghan. Filim axirida turpan wilayetlik j x organliri, Uyghur aptonom rayonluq teshwiqat bölümi we hökümitige rehmet éytilghan.

Kéyin turpanda 8 orunda jaza lagérliri barliqi, filim ishligüchilerning bularni körmey qélishi mumkin emesliki otturigha qoyulghan.

Disnéy shirkitining bu qilmishi kishilik hoquq teshkilatliri we kishilik hoquq pa'aliyetchilirining qattiq naraziliqini qozghighan. Shuning bilen "Mulen" ni bayqut qilish sadaliri ulghayghan idi.
Roshen abbas bu heqte toxtilip doxtur gülshen abbasning 2018-yilidin buyan tutqunda ikenliki, uningdin ta hazirqighiche xewer yoqluqini éytti we mundaq dédi: "Men disnéyning mulen filimi heqqidiki xewerlerni oqughandin, disnéy filim guruppisi xadimliri acham qamalghan lagérning yénidin ötkenmidu, dep ejeblendim."

Doxtur gülshen abbas Uyghur pa'aliyetchi roshen abbas xanimning öz achisi bolup, u ikki yil awwalqi bügünki künde roshen abbasning amérikidiki kishilik hoquq heriketliri seweblik tutqun qilin'ghan.

Radi'omiz ilgiri gülshen abbasning tutup kétilgendin buyan iz-déreksiz ghayib bolghanliqini delilligen idi.

Toluq bet