Sam brownbek dunya jama'etchilikini Uyghurlarni untup qalmasliqqa chaqiridi

Muxbirimiz jüme
2020-05-10
Share
sam-brownback Amérikaning xelq'araliq diniy erkinlik alahide elchisi sam brownbek ependi erkin asiya radi'osi Uyghur bölümining ziyaritini qubul qildi.
RFA

Amérikaning xelq'ara diniy erkinlik alahide elchisi sam brownbek dunya jama'etchilikini lagérlargha tashlan'ghan Uyghur musulmanlirini untup qalmasliqqa chaqiridi.

U, ramizanning 13-küni twittérda élan qilghan bayanatida dunya jama'etchilikige xitab qilip mundaq dédi: "Dunya miqyasidiki musulmanlar ramzan mezgilide meschitlerde du'a-tilawet we ta'et-ibadet qiliwatqan peytlerde lagérlargha qamilip, öz meschit hem muqeddes jaylirining xitay kompartiyesi teripidin weyran qilinishigha shahit boluwatqan shinjangdiki ziyankeshlikke uchrighan Uyghur we bashqa musulmanlarni untumayli."

Xelq'ara diniy étiqad erkinliki bash elchisi sam brownbek Uyghur mesilisige yéqindin köngül bölgen we xitayning Uyghurlargha qaratqan basturush siyasetlirini izchil eyiblep kéliwatqan amérika emeldarlirining biri. 

U, ötken ayda amérikining irandiki mewhum elchixanisi tor bétide élan qilin'ghan bir maqalide "Xitay hökümiti diniy ziyankeshliktin özini tartqini yoq. Hazir bu hal téximu téz sürette kéngiyiwatidu," dégen idi. 

Xitay hökümitining 2017-yilidin bashlap 1 milyon 800 mingdin 3 milyon'ghiche Uyghur qatarliq türkiy musulmanlarni yighiwélish lagérlirigha qamighanliqi melum. 

Bularning lagérlarda türlük tümen xorluqlargha uchrighandin bashqa öz diniy étiqadidin waz kéchishke mejburlan'ghanliqi lagér shahitliri teripidin ashkarilan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.