Abduréhim ghéni: "Érasmus uniwérsitétida shexsiy hékayem we Uyghurning bügünki qismetlirini anglattim"

Muxbirimiz méhriban
2019-05-10
Élxet
Pikir
Share
Print
Abduréhim ghéni ependim gollandiyening érasmus uniwérsitétida Uyghurlarning bügünki qismetlirini anglatmaqta. 2019-Yili 9--may. Rottérdam, gollandiye.
Abduréhim ghéni ependim gollandiyening érasmus uniwérsitétida Uyghurlarning bügünki qismetlirini anglatmaqta. 2019-Yili 9--may. Rottérdam, gollandiye.
Social Media

Gollandiyening paytexti amstérdamning sheher merkizide bulturdin buyan yalghuz kishilik namayishni dawamlashturup kéliwatqan abduréhim ghéni ependi yéqindin buyanqi pa'aliyetliride Uyghur millitining béshigha kéliwatqan zulumlarni anglitishta téximu köp usul we wastilardin paydiliniwatqanliqini bildürdi.

Abduréhim ghéni ependining 10-may küni radiyomizgha bildürüshiche, u 9-may küni gollandiyening rottérdam shehiridiki érasmus uniwérsitéti xelq'ara qanun we siyasiy penler kespidiki oqughuchilarning teklipi bilen nöwettiki Uyghur weziyiti heqqide oqughuchilargha doklat bergen.

Abduréhim ependining bildürüshiche, bu uning uniwérsitétlarda tunji qétim Uyghurlar weziyitini aliy mektep oqughuchilirigha anglitishi iken. U mezkur doklatni teshkilligüchi adré'ana xanimning telipi bilen amstérdam sheher merkizidiki yalghuz kishilik namayishta ishlitiwatqan teshwiqat resimlirini özi bilen bille mektepke élip barghan. U özi élip barghan teshwiqat resimlirini oqughuchilargha körsitip, öz a'ilisining béshigha kelgen éghir qismetlerni bayan qilip ötken.

Melum bolushiche, abduréhim ghéni ependi oqughuchilargha öz a'ilisining béshigha kelgen qismetlerni sözlesh bilen birlikte yene tutqun qilinip lagérlargha qamalghan Uyghur serxillirining ehwalinimu sözlep ötken. 

U doklati dawamida shinjang uniwérsitétining proféssori abdukérim raxmanning "Uyghur örüp-adetliri" namliq kitabini qoligha élip turup, 80 yashqa yéqinliship qalghan bu péshqedem bilim adimining "Qayta terbiye" dégen namda tutqun qilinip lagérgha qamilishigha zadi néme seweb boldi, dep so'al qoyghan. Rottérdam uniwérsitétidiki oqughuchilar buni anglap, heyran bolghan hemde qattiq ghezeplen'genlikini bildürgen. 

Melum bolushiche ilgiri kanada, amérika, en'gliye qatarliq yawropa döletliridiki uniwérsitétlarda orunlashturulghan Uyghurlar weziyiti heqqidiki léksiye pa'aliyetliride doklat bergüchiler xitay oqughuchilirining hujumigha uchrash ehwalliri yüz bergen idi. Bu ehwal xelq'ara taratqularda xewer qilinip küchlük ghulghula peyda qilghan idi.

Abduréhim ependi bu xil ehwalning özi doklat bergen uniwérsitétta yüz bermigenlikini bildürdi. Uning bildürüshiche, bu qétimqi léksiye pa'aliyiti aldin'ala puxta orunlashturulghanliqi üchün ongushluq élip bérilghan. U ilgiri özi amstérdam meydanida yalghuz kishilik namayish qilghanda xitaylarning hujumigha uchrighanliqini tilgha élip ötti.

Abduréhim ependining bildürüshiche, uning doklati axirlashqandin kéyin özining en'gliyede chong bolghanliqini bildürgen bir xitay oqughuchi uning aldigha kélip, nöwette Uyghurlar béshigha kelgen qismetler üchün uningdin epu sorighan.

Söhbet jeryanida abduréhim ependi yene gherbtiki uniwérsitétlarda Uyghur mesilisini anglitishning ehmiyiti heqqide toxtilip ötti. U yene muhajirettiki Uyghurlargha özining Uyghur mesilisini anglitishtiki bir qatar teklip-pikirlirini otturigha qoydi.

Yuqiriqi awaz ulinishidin mezkur söhbetning tepsilatini anglighaysiz.

Pikirler (0)
Share
Toluq bet