154 Teshkilat birlikte alma shirkitini kishilik hoquqni qoghdashqa chaqirdi

Muxbirimiz jüme
2020-12-20
Share
154 Teshkilat birlikte alma shirkitini kishilik hoquqni qoghdashqa chaqirdi Alma shirkitining bash ijra'iye emeldari tim kuk.
Social Media

154 Teshkilatdin terkib tapqan pa'aliyetchiler guruppisi jüme küni alma shirkitining bash ijra'iye emeldari tim kukqa mektup yollap, shirketni özining kishilik hoquq siyasitini qoghdashqa we ijra qilishqa chaqirdi.

“Payul” dep atilidighan bir tibet xewerler torining bildürüshiche, mezkur guruppa Uyghur, tibet, jenubiy mongghul, xongkong, teywen we xitay xelqige wekillik qilidighan kishilik hoquq teshkilatliridin terkib tapqan iken.

Xette alma shirkitidin awghustta maqullan'ghan yéngi kishilik hoquq siyasitini yolgha qoyush telep qilin'ghan.

Buningda alma shirkitining “Uyghur mejburiy emgekning aldini élish qanuni” ning ulini kolash, xongkongdiki alma dukini xizmetchilirining démokratiye herikitini ashkara qollishini cheklesh we kishilik hoquq siyasitidiki wedilerni ijra qilmasliq qatarliq qilmishlarda bolghanliqi körsitildi.

Ular xétide yene, alma shirkitining “Uchur we pikir erkinlikini qoghdiyalmighanliqi” ni eyiblep, shirketning abuntlarning tekshürüsh we nazarettin saqlinishigha yardem béridighan mewhum shexsiy tor (VPNs) gha oxshash eplerni xitaydiki ep dukinidin élip tashlighanliqini bildürdi.

Mezkur pa'aliyetchiler guruppisi élan qilghan bayanatta, paychilar yéngi teklip sunup, alma shirkitini kishilik hoquq siyasitini qandaq yolgha qoyuwatqanliqi toghrisida doklat bérishke chaqirghanliqi, emma alma shirkiti adwokatlirining tedbir qollinip bu teklipning muzakire qilinishining aldini alghanliqini bildürdi.

Yéqinqi bir xewerde, alma shirkitining amérika dölet mejliside tonushturulghan “Uyghur mejburiy emgekning aldini élish qanuni” gha qarshi heriket qilghanliqi ashkarilan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet