Amérikaning los-anzhélis shehiri we awstraliyedimu "Uyghurlargha erkinlik" namayishi ötküzüldi

Muxbirimiz méhriban
2019-04-08
Élxet
Pikir
Share
Print
Kaliforniye ishtatining los-anzhélis shehiride ötküzülgen namayishtin körünüsh. 2019-Yili 6-aprél.
Kaliforniye ishtatining los-anzhélis shehiride ötküzülgen namayishtin körünüsh. 2019-Yili 6-aprél.
Erkin Sidiq teminligen

6-Aprél  küni amérikaning gherbiy qirghiqi etrapidiki Uyghurlar washin'gtonda ötküzülgen Uyghurlarning zor namayishigha awaz qoshush üchün kaliforniye ishtatining los-anzhélis shehirige yighilip, "Uyghurlargha erkinlik" namliq namayish ötküzgen.

Bu namayishqa gherbiy qirghaqtiki Uyghurlar, amérikaliq musulmanlar, xristiyanlar, tibetlikler, teywenlik, xongkongluq we wéytnamliqlarning wekilliri bolup, 250 dek adem qatnashqan. San-franisko shehiridiki Uyghurlarmu 5 sa'ettin artuq yol yürüp, bu namayishqa qatnashqan.

Bu namayishni teshkilligüchilerdin biri, kaliforniyediki amérika alem qatnishi idarisining inzhinéri doktor erkin sidiq ependi radiyomiz ziyaritini qobul qilip, los-anzhéléstiki namayish ehwalidin melumat berdi.

6-Aprél küni yene awstraliye sherqi türkistan jem'iyiti bilen mélborndiki wiktoriye islam jem'iyitining hemkarliqida mélborn shehiride xitay hökümitige qarshi naraziliq bildürüsh namayishi ötküzülgen. Awstraliye sherqiy türkistan jem'iyitining re'isi nurmemet türkistani ependi radiyomiz ziyaritini qobul qilip, mélborndiki namayish heqqide melumat berdi.

Nurmemet türkistani ependining bildürüshiche, dunya Uyghur qurultiyining chaqiriqigha awaz qoshush üchün awstraliyediki Uyghurlar mélborn shehiride 6-aprél küni zor namayish ötküzgen. Namayish jeryanida yene axbarat élan qilish we imza toplash pa'aliyetlirimu birlikte élip bérilghan. Namayish jeryanida yene Uyghur diyarida yüz bériwatqan basturushlar eks ettürülgen süretler körgezmisi échilghan.

Nurmemet ependining bildürüshiche, bu namayishqa awstraliyediki Uyghurlardin bashqa yene awstraliyediki musulman qérindashlar, kishilik hoquq pa'aliyetchiliri, ilmiy xadimlar, teshkilatchilar, yazghuchilar we oqughuchilar bolup, köp sahe kishiliri qatnashqan.

Namayish jeryanida awstraliye sherqiy türkistan teshkilatining mes'ulliri bilen wiktoriye islam birlikining re'isi we bashqa her sahediki yétekchi kishiler nutuq sözlep, xitay hökümitining Uyghurlar üstidin yürgüzüwatqan basturush siyasetlirini, bolupmu jaza lagérliri mesilisini qattiq eyibligen. Ular birdek awstraliye hökümitini Uyghurlar mesilisige yéqindin köngül bölüshke chaqirghan.

Nurmemet ependining bildürüshiche, bu qétimqi mélbornda ötküzülgen Uyghurlarning naraziliq namayishi taratqularning diqqetini qozghighan. Awstraliyediki nopuzluq taratqulardin s p s téléwiziye qanilida namayish heqqide tepsiliy xewer bérilgen. Undin bashqa awstraliyediki türkche axbarat wasitiliri we bashqa ijtima'iy taratqulardimu namayish heqqide melumatlar bérilgen.

Tepsilatini yuqiriqi awaz ulinishidin anglighaysiz.

Pikirler (0)
Share
Toluq bet