Америка әскәрлири хитайға қарши маневир башлиған

Мухбиримиз җүмә
2021-01-03
Share
Америка әскәрлири хитайға қарши маневир башлиған 2020-Йили декабирда өткүзүлгән америка вә японийәниң деңиз армийә пиядилири бирликтә қатнашқан һәрбий маневирдин бир көрүнүш.
Photo: RFA

Японийәдә турушлуқ америка деңиз армийә пиядилири (деңиз армийәсиниң қуруқлуқта җәң қилғучи қисми) хитайдин келидиған һәрбий хирисларға тақабил туруш үчүн, ғәрбий тинч окяндики араллар тоқунушлирини асас қилған һалда һәрбий мәшиқлирини күчәйткән.

"вал стрет журнили гезити" ниң хәвәр қилишичә, хитайниң һәрбий сүний һәмраһлири, тор уруш иқтидари вә америкиниң һәрбий күчи билән болған пәрқни кичиклитиш җәһәттики тиришчанлиқи сәвәблик америка дөләт мудапиә министирлиқи хитайни "күчи тәңлишип қеливатқан рәқиб" дәп атайдикән.

Йеқиндин буян давам қиливатқан бир нәччә қетимлиқ маневирларға америка вә японийәниң деңиз армийә пиядилири бирликтә иштирак қилған. Уларниң тәқлидий вәзиписи болса байқилип қелиштин сақлиниш һәмдә дүшмәнниң башқурулидиған бомба вә зәмбирәклири муһасиридики арал портни қайтурувелиш икән.

Хәвәрдә көрситишичә, хитайниң бир һәрбий күч сүпитидә оттуриға чиқишиға әгишип, бәш бурҗәклик бина америка әскәрлириниң истратегийәлик мәшиқ пиланини йеңилашқа қайтидин диққәт қилишқа башлиған.

Америка штаб башлиқлири бирләшмисиниң рәиси генерал марк миллей йеқинда мундақ дегән: "хитайниң қәд көтүрүши америкиға нисбәтән әң муһим хәвпсизлик риқабити яратмақта, хитай армийәси америка билән баравәр болушқа қарап йол алди."

Өктәбир вә ноябир айлирида америка деңиз армийәсиниң японийәдә турушлуқ йәттинчи флоти деңиз армийә пиядилири вә япон әскәрлири билән бирлишип японийәниң җәнубидики окинаваға йеқин икки арални игиләш маневири елип барған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт