Ню-йорк аксийә базири хитай телеграф ширкәтлирини чиқиривәтмәкчи

Мухбиримиз җүмә
2021-01-03
Share
Ню-йорк аксийә базири хитай телеграф ширкәтлирини чиқиривәтмәкчи Ню-йорк аксийә базири (NYSE) бинаси.
Social Media

Ню-йорк аксийә базири президент доналд трамп ноябирда имзалиған мәмурий буйруққа асасән хитайниң үч чоң телеграф ширкитиниң пай чәклирини аксийә тизимликидин чиқириветидиғанлиқини билдүргән.

Ню-йорк аксийә базири баянатида мундақ дегән: "хитай көчмә хәвәрлишиш ширкити, хитай телеграф ширкити вә хитай бирләшмә хәвәрлишиш ширкити хоңкоң чәклик ширкитиниң пай чәк обороти 7-январдин11-январғичә болған арилиқта тохтитилиду, уларни тизимликтин өчүрүветиш рәсмийити башланди."

Президент трамп ноябирда буйруқ имзалап, америкилиқ мәбләғ салғучилар вә пенсийә фондлириниң хитай һәрбий карханилириға мәбләғ селишини чәкләйдиғанлиқини елан қилған. Мәлум болушичә, чәклимә қоюлған ширкәтләр қатарида юқирида тилға елинған хитай ширкәтлириму бар икән.

"йәршари вақти гезити" ниң хәвәр қилишичә, хитай сода министирлиқи шәнбә күни баянат елан қилип, "зөрүр тәдбирләрни қоллинип, хитай карханилириниң қанунлуқ һоқуқи вә мәнпәәтини қәтий қоғдайдиған" лиқини билдүргән. Әмма қандақ тәдбир алидиғанлиқини шәрһлимигән.

Америка даирилири өткән йили майда хитай көчмә хәвәрлишиш ширкитиниң америкада тиҗарәт қилишини чәклигән. Декабирда америкидики телеграф ширкәтлириниң хуавей техника чәклик ширкити ишләпчиқарған үскүниләрни еливетишни буйруған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт