Сабиқ авам палатаси рәиси невт гингрич: хитайниң америкиға қарши җасуслуқи паш болди

Мухбиримиз җүмә
2020-06-22
Елхәт
Пикир
Share
Принт
Америка авам палатасиниң сабиқ рәиси невт гингрич.
Америка авам палатасиниң сабиқ рәиси невт гингрич.
Social Media

Америка авам палатасиниң сабиқ рәиси невт гингрич хитайниң америкиға қарши җасуслуқ қилиш вә америкида өз тәсир даирисини кеңәйтиш үчүн пул хәҗләш қилмишлириниң паш болғанлиқини билдүрди.

Невт гингрич 21-июн «фокус хәвәрләр тори» ға елан қилған обзорида, хитайниң йиллардин бери америка университетлириға һәр хил йоллар билән милйонлап пул ианә қилғанлиқи, академик тәтқиқатчила билән һәмкарлашқанлиқи вә мәдәнийәт мәркәзлирини қурғанлиқи, буларниң хитай һөкүмитиниң мәктәп-университетларда өз тәсирини кеңәйтиш вә җасуслуқ қилиш арилиқ америка қошма штатлири билән риқабәтлишиш истратегийәсиниң бир қисми икәнликини билдүрди. 

У, хитайдин келидиған ианиләрниң «намисиз сахавәтчиләрдин кәлди» дәп ройхәткә елинидиғанлиқи, мутәхәссисләрниң буни бейҗиң даирилириниң америка маарип саһәсигә сиңип киришидики әң асан усул, дәп қарайдиғанлиқини оттуриға қойди. 

Униң қаришичә, америка һөкүмити йеқинидин буян алған хитайниң америка университетлиридики тәсирини чәкләш тәдбирлири алқишқа әрзийдикән. 

У обзорида мунуларни көрсәтти: «трамп һөкүмитиниң бу һәқтә давамлаштуруватқан тиришчанлиқлири интайин кәм болса болмайдиған нәтиҗиләрни қолға кәлтүрүш билән биргә, хитай компартийәсиниң адәмни толиму биарам қилидиған рәзил қилмишлирини ашкарилиди. Әмма хитайниң немә ишлар билән шуғуллиниватқанлиқидин көпинчә америкилиқларниң бихәвәр икәнлики мәсилиниң яман тәрипи иди.»

Хитай һөкүмитиниң америка университетлири вә юқири техника ширкәтлиригә қаратқан һәрхил шәкилдики җасуслуқ һәрикәтлири йеқинқи йиллардин буян көпләп ашкарилинишқа башлиған.

Өткән айда трамп һөкүмити хитай һәрбий даирилири билән мунасивити бар хитай оқуғучиларни америкидин қоғлап чиқиридиғанлиқини җакарлиған иди.

Пикирләр (0)
Share
Толуқ бәт