Sabiq awam palatasi re'isi néwt gin'grich: xitayning amérikigha qarshi jasusluqi pash boldi

Muxbirimiz jüme
2020-06-22
Élxet
Pikir
Share
Print
Amérika awam palatasining sabiq re'isi néwt gin'grich.
Amérika awam palatasining sabiq re'isi néwt gin'grich.
Social Media

Amérika awam palatasining sabiq re'isi néwt gin'grich xitayning amérikigha qarshi jasusluq qilish we amérikida öz tesir da'irisini kéngeytish üchün pul xejlesh qilmishlirining pash bolghanliqini bildürdi.

Néwt gin'grich 21-iyun "Fokus xewerler tori" gha élan qilghan obzorida, xitayning yillardin béri amérika uniwérsitétlirigha her xil yollar bilen milyonlap pul i'ane qilghanliqi, akadémik tetqiqatchila bilen hemkarlashqanliqi we medeniyet merkezlirini qurghanliqi, bularning xitay hökümitining mektep-uniwérsitétlarda öz tesirini kéngeytish we jasusluq qilish ariliq amérika qoshma shtatliri bilen riqabetlishish istratégiyesining bir qismi ikenlikini bildürdi. 

U, xitaydin kélidighan i'anilerning "Namisiz saxawetchilerdin keldi" dep royxetke élinidighanliqi, mutexessislerning buni béyjing da'irilirining amérika ma'arip sahesige singip kirishidiki eng asan usul, dep qaraydighanliqini otturigha qoydi. 

Uning qarishiche, amérika hökümiti yéqinidin buyan alghan xitayning amérika uniwérsitétliridiki tesirini cheklesh tedbirliri alqishqa erziydiken. 

U obzorida munularni körsetti: "Tramp hökümitining bu heqte dawamlashturuwatqan tirishchanliqliri intayin kem bolsa bolmaydighan netijilerni qolgha keltürüsh bilen birge, xitay kompartiyesining ademni tolimu bi'aram qilidighan rezil qilmishlirini ashkarilidi. Emma xitayning néme ishlar bilen shughulliniwatqanliqidin köpinche amérikiliqlarning bixewer ikenliki mesilining yaman teripi idi."

Xitay hökümitining amérika uniwérsitétliri we yuqiri téxnika shirketlirige qaratqan herxil shekildiki jasusluq heriketliri yéqinqi yillardin buyan köplep ashkarilinishqa bashlighan.

Ötken ayda tramp hökümiti xitay herbiy da'iriliri bilen munasiwiti bar xitay oqughuchilarni amérikidin qoghlap chiqiridighanliqini jakarlighan idi.

Toluq bet