Amérika kompartiye ezalirigha menggülük turush yaki puqraliq hoquqi bérilmeydighanliqini bildürdi

Muxbirimiz jüme
2020-10-04
Share
USCIS-CCP-MEMBER-BAN-2.jpg Amérika puqralar we köchmenler mulazimet orgini (USCIS) bir yolyoruq élan qilip, kommunistik partiye ezalirining amérikida menggülük turush yaki amérika puqraliqigha érishishining mumkin emeslikini bildürdi. 2020-Yili 2-öktebir.
scis.gov

Jüme küni amérika puqralar we köchmenler mulazimet orgini (USCIS) amérika köchmenler qanunigha a'it bir yolyoruq élan qilip, kommunistik partiye ezalirining amérikida menggülük turush yaki amérika puqraliqigha érishishining mumkin emeslikini bildürdi.

Yolyoruqta mundaq déyildi: "Omumen, bashqiche kechürüm qilinmighan shara'it astida, kompartiyening yaki bashqa mustebit partiyening ezasi yaki dölet tewelikidiki bashqa mustebit partiyening ezasi yaki uninggha chétishliqi bar her qandaq köchmen amérikigha qobul qilinmaydu."

Bu qanun eslide soghuq munasiwetler urushi dewride tonushturulghan bolup, bu nöwet bezi maddilar qoshulup qaytidin yolgha qoyulushqa bashlighan. 

Yolyoruqta 90 milyon ezasi bar xitay kommunistik partiyesi tilgha élinmighan. 

Halbuki xewerlerge qarighanda, bu qanun xitay kommunistik partiyesi ezalirining amérikad menggülük turush yaki amérikaning puqraliq salahiyitige érishishini ünümlük tosidiken hemde dunyadiki ikki chong iqtisadiy gewde arisidiki idiye perqining chongiyishini kücheytidiken.

USCIS Bu siyasetke tüzitish kirgüzüshning "Amérikining amanliqi we bixeterlikige kélidighan tehditlerge taqabil turush üchün dölet mejlisi maqullighan téximu keng qanunlarning bir qismi" ikenlikini bildürdi. 

‍Amérika 1950-yili "Dölet ichi bixeterlik qanuni" ni maqullap, tunji bolup kommunist yaki mustebit partiyelerning chet'ellik ezalirini amérika puqraliqigha qobul qilishni chekligen.

Amérikida 2 milyon 500 ming xitaydin kelgen köchmen bar bolup, bularning arisida qanchilik xtay kompartiyesi ezasi barliqi, yene qanchilik xtay kompartiyesi ezasining amérikida menggülük turush yaki puqraliq salahiyitige érishkenliki melum emes iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet