Америка компартийә әзалириға мәңгүлүк туруш яки пуқралиқ һоқуқи берилмәйдиғанлиқини билдүрди

Мухбиримиз җүмә
2020-10-04
Елхәт
Пикир
Share
Принт
Америка пуқралар вә көчмәнләр мулазимәт оргини (USCIS) бир йолйоруқ елан қилип, коммунистик партийә әзалириниң америкида мәңгүлүк туруш яки америка пуқралиқиға еришишиниң мумкин әмәсликини билдүрди. 2020-Йили 2-өктәбир.
Америка пуқралар вә көчмәнләр мулазимәт оргини (USCIS) бир йолйоруқ елан қилип, коммунистик партийә әзалириниң америкида мәңгүлүк туруш яки америка пуқралиқиға еришишиниң мумкин әмәсликини билдүрди. 2020-Йили 2-өктәбир.
scis.gov

Җүмә күни америка пуқралар вә көчмәнләр мулазимәт оргини (USCIS) америка көчмәнләр қануниға аит бир йолйоруқ елан қилип, коммунистик партийә әзалириниң америкида мәңгүлүк туруш яки америка пуқралиқиға еришишиниң мумкин әмәсликини билдүрди.

Йолйоруқта мундақ дейилди: «омумән, башқичә кәчүрүм қилинмиған шараит астида, компартийәниң яки башқа мустәбит партийәниң әзаси яки дөләт тәвәликидики башқа мустәбит партийәниң әзаси яки униңға четишлиқи бар һәр қандақ көчмән америкиға қобул қилинмайду.»

Бу қанун әслидә соғуқ мунасивәтләр уруши дәвридә тонуштурулған болуп, бу нөвәт бәзи маддилар қошулуп қайтидин йолға қоюлушқа башлиған. 

Йолйоруқта 90 милйон әзаси бар хитай коммунистик партийәси тилға елинмиған. 

Һалбуки хәвәрләргә қариғанда, бу қанун хитай коммунистик партийәси әзалириниң америкад мәңгүлүк туруш яки американиң пуқралиқ салаһийитигә еришишини үнүмлүк тосидикән һәмдә дунядики икки чоң иқтисадий гәвдә арисидики идийә пәрқиниң чоңийишини күчәйтидикән.

USCIS Бу сиясәткә түзитиш киргүзүшниң «америкиниң аманлиқи вә бихәтәрликигә келидиған тәһдитләргә тақабил туруш үчүн дөләт мәҗлиси мақуллиған техиму кәң қанунларниң бир қисми» икәнликини билдүрди. 

‍Америка 1950-йили «дөләт ичи бихәтәрлик қануни» ни мақуллап, тунҗи болуп коммунист яки мустәбит партийәләрниң чәтәллик әзалирини америка пуқралиқиға қобул қилишни чәклигән.

Америкида 2 милйон 500 миң хитайдин кәлгән көчмән бар болуп, буларниң арисида қанчилик хтай компартийәси әзаси барлиқи, йәнә қанчилик хтай компартийәси әзасиниң америкида мәңгүлүк туруш яки пуқралиқ салаһийитигә еришкәнлики мәлум әмәс икән.

Пикирләр (0)
Share
Толуқ бәт