Amérika mudapi'e ministiri mark espér: xitay dunya tertipige éghir tehdit

Muxbirimiz jüme
2020-02-16
Élxet
Pikir
Share
Print
Amérika dölet mudapi'e ministiri mark espér myunxén bixeterlik yighinida sözde. 2020-Yili 15-féwral. Myunxén, gérmaniye.
Amérika dölet mudapi'e ministiri mark espér myunxén bixeterlik yighinida sözde. 2020-Yili 15-féwral. Myunxén, gérmaniye.
Social Media

Amérika dölet mudapi'e ministiri mark espér xitayning dunya tertipige éghir tehdit ikenlikini bildürdi we xelq'ara jem'iyetni uyqusini échishqa chaqirdi.

U, bu sözlerni 15-féwral shenbe küni dunya ellirining nopuzluq rehberliri qatnishiwatqan myunxén bixeterlik yighinidiki nutqida otturigha qoydi.

U mundaq dédi: "Xelq'ara jem'iyet nechche on yilidin béri hemmimizge menpe'et bérip kelgen dunya tertipini xitayning köz boyamchiliq qilip aldashliri peyda qilghan riqabetlerge qarshi uyqusini échishi kérek."

U yene amérikining dölet mudapi'e istratégiyeside xitay amérikining eng négizlik riqabetchisi, dep körsitilgenlikini alahide tilgha aldi.

U mundaq dédi: "Dölet mudapi'e istratégiyemizde, nöwettiki büyük qudretlik dölet bolush musabiqisidiki négizlik riqabetchi rusiye emes, belki xitaydur. Shunga diqqet merkizi töwen derijilik toqunushlardin, shiddetlik jengler ge hazirliq körüshke burulushi kérek, déyilgen."

U yene xitayning ‍öz armiyesini 2035-yilighiche zamaniwilashturup bolup, 2049-yilighiche dunyada aldinqi qatarda turidighan herbiy küch süpitide asiyagha hökümranliq qilimiz dégenlikini, xitayning qoshna ellerge bésim ishlitip, öz xelqini basturidighanliqini tilgha aldi.

U mundaq dédi: "Biz xitayning normal döletke oxshash qiliqlarni qilishini xalaymiz. Bundaq dégenlik, xitay siyasiti we qiliqlirini ‍özgertishi kérek, dégenliktur."

Shu kündiki yighinda sözligen amérika tashqi ishlar ministiri mayk popéyomu xitayni eyibligen we uning 5g téxnikisini "Troya éti" gha oxshatqan idi.

2020-Yilliq myunxén bixeterlik yighini 14-féwraldin 16-féwralghiche dawam qilidu.

Toluq bet