Америка дөләт хәвпсизлик мәслиһәтчиси: хитай уйғур районида ирқий қирғинчилиққа йеқин җинайәт садир қиливатиду

Мухбиримиз җүмә
2020-10-18
Елхәт
Пикир
Share
Принт
Америка дөләт хәвпсизлики ишлири мәслиһәтчиси роберт обрайин әпәнди  мухбирларни күтүвелиш йиғинида хитай тоғрисида сөзлимәктә. 2020-Йили 24-июн, фоникс, аризона.
Америка дөләт хәвпсизлики ишлири мәслиһәтчиси роберт обрайин әпәнди мухбирларни күтүвелиш йиғинида хитай тоғрисида сөзлимәктә. 2020-Йили 24-июн, фоникс, аризона.
AP

Америка дөләт хәвпсизлик мәслиһәтчиси роберт обрайен хитайниң уйғур районидики мусулманларға тутқан муамилиси арқилиқ ирқий қирғинчилиққа йеқин бир җинайәтни садир қиливатқанлиқини ейтти.

Җүмә күни роберт обрайен аспен институти саһибханилиқ қилған тор паалийитидә мундақ деди: «әгәр у ирқий қирғинчилиқ болмиса, униңға йеқин бир иш шинҗаңда йүз бериватиду.»

Роберт обрайен америка таможна тармақлириниң уйғур райони мәнбәлик адәм чечи билән ясалған «зор миқдардики» чач мәһсулатлирини тутуп қалғанлиқини тилға алди.

У мундақ деди: «хитайлар һәқиқий һалда уйғур аяллириниң бешини чүшүрүватиду вә униңдин чач мәһсулатлирини ясап америкиға әвәтиватиду.»

Америка таможна вә чегра қоғдаш идариси июнда уйғур районини мәнбә қилған чач мәһсулатлирини мәҗбурий әмгәк билән ясалған адәм чечи мәһсулатлири, дегән гуман билән тутуп қалғанлиқини билдүргән.

Бу июнда, америка ташқи ишлар министири майк помпейо хитайниң уйғурларға қаратқан мәҗбурий туғмас қилиш, мәҗбурий бала чүшүрүш вә мәҗбурлаш характерлик пиланлиқ туғут чарилири һәққидики доклатларниң «кишини чүчүтидиған» вә «көңүлни паракәндә қилидиған» лиқини билдүргән. 

У алдинқи айда хитайниң уйғурлар үстидин йүргүзүватқан сиясәтлирини қандақ аташ мәсилисидә ойлишиватқанлиқини, чүнки «ирқий қирғинчилиқ» дегән бу сөзиниң вәзниниң интайин еғир икәнликини ейтқан иди.

Пикирләр (0)
Share
Толуқ бәт