Amérika dölet xewpsizlik meslihetchisi: xitay Uyghur rayonida irqiy qirghinchiliqqa yéqin jinayet sadir qiliwatidu

Muxbirimiz jüme
2020-10-18
Élxet
Pikir
Share
Print
Amérika dölet xewpsizliki ishliri meslihetchisi robért obrayin ependi  muxbirlarni kütüwélish yighinida xitay toghrisida sözlimekte. 2020-Yili 24-iyun, foniks, arizona.
Amérika dölet xewpsizliki ishliri meslihetchisi robért obrayin ependi muxbirlarni kütüwélish yighinida xitay toghrisida sözlimekte. 2020-Yili 24-iyun, foniks, arizona.
AP

Amérika dölet xewpsizlik meslihetchisi robért obrayén xitayning Uyghur rayonidiki musulmanlargha tutqan mu'amilisi arqiliq irqiy qirghinchiliqqa yéqin bir jinayetni sadir qiliwatqanliqini éytti.

Jüme küni robért obrayén aspén instituti sahibxaniliq qilghan tor pa'aliyitide mundaq dédi: "Eger u irqiy qirghinchiliq bolmisa, uninggha yéqin bir ish shinjangda yüz bériwatidu."

Robért obrayén amérika tamozhna tarmaqlirining Uyghur rayoni menbelik adem chéchi bilen yasalghan "Zor miqdardiki" chach mehsulatlirini tutup qalghanliqini tilgha aldi.

U mundaq dédi: "Xitaylar heqiqiy halda Uyghur ayallirining béshini chüshürüwatidu we uningdin chach mehsulatlirini yasap amérikigha ewetiwatidu."

Amérika tamozhna we chégra qoghdash idarisi iyunda Uyghur rayonini menbe qilghan chach mehsulatlirini mejburiy emgek bilen yasalghan adem chéchi mehsulatliri, dégen guman bilen tutup qalghanliqini bildürgen.

Bu iyunda, amérika tashqi ishlar ministiri mayk pompéyo xitayning Uyghurlargha qaratqan mejburiy tughmas qilish, mejburiy bala chüshürüsh we mejburlash xaraktérlik pilanliq tughut chariliri heqqidiki doklatlarning "Kishini chüchütidighan" we "Köngülni parakende qilidighan" liqini bildürgen. 

U aldinqi ayda xitayning Uyghurlar üstidin yürgüzüwatqan siyasetlirini qandaq atash mesiliside oylishiwatqanliqini, chünki "Irqiy qirghinchiliq" dégen bu sözining weznining intayin éghir ikenlikini éytqan idi.

Toluq bet