Бир хитай аял америкадин әпу сораш һәрикити башлиған

Мухбиримиз җүмә
2020.03.22
Share on WhatsApp
Share on WhatsApp
Sorry-America.png Мәлум бир ғәрб дөлитидә яшайдиған хитай аял корона вируси сәвәбидин америкадин әпу сораш һәрикити башлиған. 2020-Йили март.
Photo: RFA

Мәлум бир ғәрб дөлитидә яшайдиған хитай аял корона вируси сәвәбидин америкадин әпу сораш һәрикити башлиған.

Радийомизниң хәвәр қилишичә, у иҗтимаий медияда тарқатқан қисқа филимини “хитай вирусини а қ ш ға елип киргинимиздин әпу сораймиз” дәп башлиған. 

У чақириқини давам қилип мундақ дегән: “хитай компартийәси һәқиқәтни йошуруп, ‛вухән вируси‚ ниң тарқилишини улғайтқанда сүкүттә турғанлиқимиздин әпу сораймиз. Нәрсә-керәкләрни ачкөз ләрчә сетивалғанлиқимиздин әпу сораймиз.”

У йәнә бу “вирусни америка әскәрлири вухәнгә елип киргән дәп” үндидар арқилиқ тарқитилған сахта учурлар үчүн әпу сорайдиғанлиқини, бундақ қилишниң натоғра икәнликни ейтқан. 

У йәнә мәзкур вирус сәвәбидин башқиларниң хата муамилисигә учриған японийә, тәйвән, корийә вә башқа асия ирқидикиләрдинму әпу сориған. 

У сөзини давам қилип, өзиниң хитай миллитигә тәвә бири болуш сүпити билән хитай компартийәси вә хтай хәлқиниң қилмишлирида мәсулийити барлиқини ейтқан. 

У ахирда мәзкур вирусниң тәсиригә учриған һәрбир инсандин әпу сорайдиғанлиқини, хтай компартийәсиниң америкалиқларға төләм төлиши лазимлиқини билдүргән һәмдә шу вәҗидин “америкидин әпу сораш һәрикити” башлиғанлиқини ейтқан. 

Бу аялниң видийолуқ чақириқи твиттер торида елан қилинғандин кейин, әркин асия радийоси хитай бөлими тәрипидин көчүрүп тарқитилған вә нәччә миң қетим һәмбәһриләнгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт