Parizhdiki Uyghur ana til mektipining oqughuchiliri “Dunya ana til küni” ni ana til pa'aliyiti arqiliq kütüwaldi

Ixtiyariy muxbirimiz azigh
2022.02.24
Share on WhatsApp
Share on WhatsApp
Parizhdiki Uyghur ana til mektipining oqughuchiliri “Dunya ana til küni” ni ana til pa'aliyiti arqiliq kütüwaldi Yawropa Uyghur instituti qarmiqidiki bir ma'arip qurulushidin biri bolghan parizh Uyghur ana til mektipi oqughuchilirining pa'aliyetliridin körünüsh.
RFA/Azigh

Xitayning Uyghur élidiki irqiy qirghinchiliq siyasetliri tüpeylidin Uyghurlarning tili we medeniyiti éghir tehditke duch kelmekte. Muhajirettiki Uyghurlar ana perzentlirige qarita til terbiyesini kücheytish, ana til mektipi échish we her xil medeniy, ijtima'iy xizmetler arqiliq Uyghur tilining mewjutluqini saqlash üchün tirishchanliq körsitip kelmekte.

Parizh Uyghur ana til mektipi yawropa Uyghur instituti qarmiqidiki bir ma'arip qurulushi bolup, 2017-yili qurulghan. Parizh ana til mektipi fransiyidiki Uyghur perzentlirige ana til ma'aripi bérishni asasliq nishan qilghan bolup, fransiye sherqshunasliq uniwérsitéti Uyghur oqughuchilarning ana tilida terbiyelinishi üchün kéreklik bolghan sinip we esliheler bilen teminligen.

Yawropa Uyghur instituti qarmiqidiki bir ma'arip qurulushidin biri bolghan parizh Uyghur ana til mektipi oqughuchilirining pa'aliyetliridin körünüsh.

Parizh Uyghur ana til mektipining oqughuchiliri bu yilliq “Dunya ana til küni” ni alahide tebrikligen bolup, Uyghur ösmürlirige Uyghur tili, Uyghur medeniyitini öginishning muhimliqi tonushturulghan. Tebriklesh pa'aliyitide Uyghur yash-ösmürlirini ana tilini öginishke righbetlendürülgen.

Parizh Uyghur ana til mektipining mudiri mehmut ehmed ziyaritimizni qubul qilip, Uyghur ana til mektipi we fransiyidiki Uyghur tili ma'aripi heqqide toxtaldi. U ziyaritimiz dawamida fransiyediki Uyghur perzentlirining ana tilini öginish qizghinliqi we ana til ma'aripini igilesh ehwali toghrisida tepsiliy melumat berdi.

Yawropa Uyghur instituti qarmiqidiki bir ma'arip qurulushidin biri bolghan parizh Uyghur ana til mektipi oqughuchilirining pa'aliyetliridin körünüsh.

Nöwette parizh Uyghur ana til mektipide perqliq yash we til sewiyesidiki balilar üchün üch sinip tesis qilin'ghan bolup, bu mektepte ana til dersliridin bashqa yene ussul, muzika we Uyghur medeniyiti derslirimu ötülmekte iken. Mutexessisler, muhajirettiki Uyghur perzenitliride milliy kimlikni turghuzush we uni dawamlashturushta ana til we uninggha baghliq milliy medeniyet amillirining itayin muhimliqini, shu sewebtin oxshimighan döletlerde yashawatqan Uyghur jama'itining öz perzentlirige Uyghur ana tilini puxta ögitishining zörürlikini tekitlep kelmekte.

Yawropa Uyghur instituti qarmiqidiki bir ma'arip qurulushidin biri bolghan parizh Uyghur ana til mektipi oqughuchilirining pa'aliyetliridin körünüsh.

Parizh Uyghur ana til mektipining oqughuchisi gülzina qurbanjan ziyaritimizni qubul qilip, özining ana til mektipide oqush jeryanidiki hés-tuyghulirini Uyghur tilida sözlep ötti.

Gülzina qurbanjanning anisi hebibe xanimmu ziyaritimizni qubul qilip, balilarni terbiyeleshte ana til ma'aripining intayin muhim ikenlikini, Uyghur tilining mewjutluqini qoghdash üchün özining bir Uyghur ana bolush süpiti bilen bir kishilik hessisini qoshushqa tirishiwatqanliqini éytti.

Yawropa Uyghur instituti nöwette yawropada Uyghur tili we medeniyitini qoghdash sépide xizmet qiliwatqan awan'gart qurulushlardin biri bolup, Uyghurshunasliq toghriliq her xil témidiki yighinlarni uyushturush, Uyghurlar heqqide zhurnal chiqirish, shundaqla her xil medeniyet pa'aliyetliri ötküzüsh arqiliq Uyghurlarning nöwettiki weziyitini yawropagha anglitishta muhim rol oynimaqta.

Yawropa Uyghur instituti qarmiqidiki bir ma'arip qurulushidin biri bolghan parizh Uyghur ana til mektipi oqughuchilirining pa'aliyetliridin körünüsh.

Yawropa Uyghur institutining mes'uli doktor dilnur reyhan xanimmu ziyaritimizni qubul qilip, yawropa Uyghur institutining Uyghur ana til heqqidiki pa'aliyetliri, xizmetliri we kelgüsi pilanliri heqqide tepsiliy toxtaldi.

Xitayning Uyghur tili we medeniyitini yoqitish urunushlirini kündin-kün'ge küchiyiwatqan bolsimu, emma muhajirettiki Uyghurlarning ana tilini we milliy medeniyitini puxta igilesh we qoghdashqa bolghan qizghinliq barghanséri kücheymekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet