Уйғур аптоном районлуқ һөкүмәт аққун ишчиларни җәлп қилидиған йеңи бәлгилимә чиқарди


2004.07.22

Уйғур аптоном районлуқ һөкүмәт даирилири аққун ишчиларни җәлп қилидиған йеңи бәлгилимә чиқирип, иш үстидә еғир яриланған аққун ишчиларниң узун муддәтлик суғуртидин бәһриман болидиғанлиқини билдүрди.

Уйғур аптоном районлуқ әмгәк вә җамаәт капаләт назаритиниң билдүрүшигә қариғанда, бундин кийин ичкиридин кәлгән аққун ишчилар, әгәр иш үстидә ярилинип, яриси 1 - дәриҗидин 4 - дәриҗигичә болса, улар бир қетимлиқ вә яки узақ муддәтлик тәминаттин бәһриман болидикән.

Һөкүмәт даирилириниң билдүрүшичә, ишта ярилиниш суғуртисиға қатнашқан аққан ишчиларниң тәминатиға суғурта ширкәтлири мәсул болидикән. Қатнашмиғанларниңкини болса, уларни ишләткән идариләр төләйдикән.

Бу бәлгилимә мәхсус ичкиридин еқип киргән аққунларға қаритилған болуп, йәрлик ишләмчиләрни өз ичигә алмайдикән. Чәтәлдики уйғур тәшкилатлири, хитай һөкүмитиниң бу хил тәдбирлири арқисида, техиму көп хитай аққунлириниң уйғур райониға көчүп келишидин әндишә қиливатқанлиқини билдүрмәктә.

© 2004 Radio Free Asia
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.