Анализчи асийә уйғур: «хитай һөкүмити уйғурларни тәһдит дәп қариғанлиқи үчүн уларға етник қирғинчилиқ йүргүзмәктә»

Мухбиримиз меһрибан
2020-09-11
Елхәт
Пикир
Share
Принт
Уйғур нәққашлиқи билән безәлгән бир базарда хитай тили өгитишни миллий иттипақлиқниң асаси қилишқа үндәйдиған пилакат есилған. 2019-Йили 31-май, хотән.
Уйғур нәққашлиқи билән безәлгән бир базарда хитай тили өгитишни миллий иттипақлиқниң асаси қилишқа үндәйдиған пилакат есилған. 2019-Йили 31-май, хотән.
AFP

Голландийәдики уйғур вәзийити анализчиси асийә уйғур ханимниң «хитай һөкүмитиниң уйғурларға етник қирғинчилиқ қилишиниң сәвәби» темисидики мақалиси елан қилинғандин кейин оқурмәнләрниң диққитини қозғиғаниди.

Асийә уйғур ханим бүгүн радийомиз уйғур бөлүминиң мәхсус зияритини қобул қилип, хитай һөкүмитиниң нөвәттә уйғурларға қарита елип бериватқан сияситиниң сәвәбиниң уйғурларни хитай дөлитиниң пүтүнлүкини сақлаш вә өзиниң дунядики күчлүк дөләткә айлинишида тәһдит дәп қарап келиватқанлиқидин икәнликини билдүрди.

Асийә ханим зияритимиз җәрянида, мақалини йезишқа сәвәб болған амилларниң хитай һөкүмитиниң уйғурларға қарита етник қирғинчилиқ йүргүзүш сияситиниң оттуриға чиқишида муһим рол ойниған ху әнгаң, җи сәйруң қатарлиқ хитай тәтқиқатчилири вә сиясәтчилириниң 2010-йили 2-айда оттуриға қойған уйғур, тибәт қатарлиқ хитай болмиған милләтләр һәққидики тәшәббуслири икәнликини көрсәтти.

Асийә ханим, йәнә хитай һөкүмитиниң уйғурларни пүтүнләй ассимилятсийә қилип хитайлаштуруш, уйғурларға қарита милләт бойичә бастуруш сиясити арқилиқ, хитай коммунистик һакимийитини күчәйтиш йәни «хитай чүши» пиланини әмәлгә ашурушниң мәғлуп болушқа йүзлиниватқанлиқини билдүрди.

У баянида, хитайниң уйғурларға қаратқан ирқий қирғинчилиқ сияситиниң америка қатарлиқ ғәрб демократик дөләтлириниң инсан һәқлирини қоғдаш қиммәт қаришиға қарши болғини үчүн, хитай һөкүмитиниң сиясий, иқтисадий җәһәттин дуняға хоҗа болуш нийити әмәлгә ашмайла қалмастин, бәлки униң дуняға тәһдит елип келидиған дөләт икәнликини испатлап, хитай дөлитигә қарши дуня характерлик қаршилиқ вәзийити шәкилләнгәнликини тәкитлиди.

Юқириқи аваз улинишидин сөһбәтниң тәпсилатини аңлайсиләр.

Пикирләр (0)
Share
Толуқ бәт