Analizchi asiye Uyghur: "Xitay hökümiti Uyghurlarni tehdit dep qarighanliqi üchün ulargha étnik qirghinchiliq yürgüzmekte"

Muxbirimiz méhriban
2020-09-11
Élxet
Pikir
Share
Print
Uyghur neqqashliqi bilen bézelgen bir bazarda xitay tili ögitishni milliy ittipaqliqning asasi qilishqa ündeydighan pilakat ésilghan. 2019-Yili 31-may, xoten.
Uyghur neqqashliqi bilen bézelgen bir bazarda xitay tili ögitishni milliy ittipaqliqning asasi qilishqa ündeydighan pilakat ésilghan. 2019-Yili 31-may, xoten.
AFP

Gollandiyediki Uyghur weziyiti analizchisi asiye Uyghur xanimning "Xitay hökümitining Uyghurlargha étnik qirghinchiliq qilishining sewebi" témisidiki maqalisi élan qilin'ghandin kéyin oqurmenlerning diqqitini qozghighanidi.

Asiye Uyghur xanim bügün radiyomiz Uyghur bölümining mexsus ziyaritini qobul qilip, xitay hökümitining nöwette Uyghurlargha qarita élip bériwatqan siyasitining sewebining Uyghurlarni xitay dölitining pütünlükini saqlash we özining dunyadiki küchlük döletke aylinishida tehdit dep qarap kéliwatqanliqidin ikenlikini bildürdi.

Asiye xanim ziyaritimiz jeryanida, maqalini yézishqa seweb bolghan amillarning xitay hökümitining Uyghurlargha qarita étnik qirghinchiliq yürgüzüsh siyasitining otturigha chiqishida muhim rol oynighan xu en'gang, ji seyrung qatarliq xitay tetqiqatchiliri we siyasetchilirining 2010-yili 2-ayda otturigha qoyghan Uyghur, tibet qatarliq xitay bolmighan milletler heqqidiki teshebbusliri ikenlikini körsetti.

Asiye xanim, yene xitay hökümitining Uyghurlarni pütünley assimilyatsiye qilip xitaylashturush, Uyghurlargha qarita millet boyiche basturush siyasiti arqiliq, xitay kommunistik hakimiyitini kücheytish yeni "Xitay chüshi" pilanini emelge ashurushning meghlup bolushqa yüzliniwatqanliqini bildürdi.

U bayanida, xitayning Uyghurlargha qaratqan irqiy qirghinchiliq siyasitining amérika qatarliq gherb démokratik döletlirining insan heqlirini qoghdash qimmet qarishigha qarshi bolghini üchün, xitay hökümitining siyasiy, iqtisadiy jehettin dunyagha xoja bolush niyiti emelge ashmayla qalmastin, belki uning dunyagha tehdit élip kélidighan dölet ikenlikini ispatlap, xitay dölitige qarshi dunya xaraktérlik qarshiliq weziyiti shekillen'genlikini tekitlidi.

Yuqiriqi awaz ulinishidin söhbetning tepsilatini anglaysiler.

Toluq bet