Atush süntaghda qurulushi mustehkem bolghan azna we destan'gam meschiti chéqilip, ajiz teres meschit saqlap qélin'ghan

Muxbirimiz shöhret hoshur
2020-08-10
Élxet
Pikir
Share
Print
Uyghur aptonom rayonidiki lagérlarni közitip kéliwatqan chet'eldiki xitay közetküchi shawén jang öz maqaliside qoyghan kériye héytgah jamesining süriti. 2019-Yili 2‏-aprél.
Uyghur aptonom rayonidiki lagérlarni közitip kéliwatqan chet'eldiki xitay közetküchi shawén jang öz maqaliside qoyghan kériye héytgah jamesining süriti. 2019-Yili 2‏-aprél.
Social Media

Xitay da'iriliri 2016‏-yilidin bashlap dawam qilghan meschit chéqish dolqunini "Meschitlerni elalashturush" dep atighan we bu heriketning el-jama'etning bixeterliki üchün ikenliki teshwiq qilin'ghan idi. Muxbirimizning atush süntaghqa qarita élip barghan téléfon ziyaretliri dawamida, süntaghdiki bir kentte qurulushi mustehkem bolghan, yeni pishshiq xish we sémont taxtilardin yasalghan azna meschit bilen destan'gam meschi'itining chéqilip, qurulushi ajiz bolghan, yeni topa tam we yaghach-borilardin yasalan teres meschitning saqlap qélin'ghanliqi ashkarilandi

Xitay da'iriliri yighiwélish lagérlirini "Kespiy terbiye mektepliri" dep atighinidek, 2016‏-yili élip barghan meschit chéiqsh dolqunini yerlik ahalilerge "Meschitlerni elalashturush" dep chüshendürgen idi. 2016-‏Yildiki éniqlashlirimizda Uyghur rayonida 70 pirsent meschitning chéqilip bolghanliqi aydinglashqan bolsimu, emma qandaq meschitlerning chéqilip, qandaqlirining saqlap qélin'ghanliqi melum bolmighan idi. Ötken hepte atushning süntagh yézisigha qarita élip barghan éniqlashlirimiz dawamida, bu yézining 5‏-kentidiki 3 meschittin ikkisining chéqilghanliqi we birining saqlinip qalghanliqi melum boldi. Chéqilghanliri azna meschit we destan'gam meschit dep atilidighan mustehkem meschitler bolup, saqlinip qalghini qurulushi nisbeten ajiz bolghan téres meschitidur. Bu yézidiki bir amanliq mudirining ashkarilishi'iche, azna meschit bilen destan'gam meschit kölimi bir'az zor, tarixiy bir'az uzun we yéza merkizige yéqinraq bolghanliqi üchün chéqilghan. Teres meschiti sighimchanliqi bir'az kichik we bir'az chet-yaqida bolghanliqi üchün saqlap qélin'ghan. Ilgiri közetküchiler xitayning Uyghur rayonidiki kop qisim meschitlerni chéqip tashlap, az bir qisim meschitlerni saqlap qalghanliqi, bunimu ibadet üchün emes, peqet körgezmilik üchün saqlap qalghanliqini ilgiri sürüshken idi.

Melum bolushiche, süntaghda chéqiwétilgen azna meschit pishshiq xish we sémont taxtilar bilen qurulghan iken؛ destan'gam meschitmu azna meschitke oxshashla kölmi nisbeten zor we qurulushi mustehkem meschitlerdin iken. Amanliq mudirining bayanliridin melum bolushiche, meschitlerni közdin uzaqlashturush we shekilgila saqlap qélish üchün yuqiriqi ikki meschitni chéqip tashlap, topa tam we xam késektin qurulghan, yaghach we borilar yépilghan teres meschitni saqlap qalghan.

Uyghur rayonida köp sandiki meschitlerning chéqiwétilgenliki sün'iy hemrahtin tartilghan süretler we bashqa höjjetlik matériyallar arqiliq ashkarilinip bolghan bolsimu, xitay da'iriliri ta hazirghiche meschitlerning chéqilghanliqini xelq'ara jama'ettin yoshurmaqta. Yéqinda xitay tashqi ishlar ministirliqining bayanatchisi Uyghur rayondiki meschitler sanining amérikadikidin köp ikenlikini ilgiri sürse, xitayning enqerediki elchixanisi Uyghur rayonida her besh yüz kishige birdin meschit toghra kélidighanliqini bazargha salghan idi. Emma yerlik da'iriler2016‏-yilning axirliri qeshqer we xotenlerde mehellilerdiki meschitlerning chéqilip, bir kentte, bezi jaylarda bolsa bir yézida peqet birla meschitning saqlap qélin'ghanliqini ashkarilap bolghan idi.

Toluq bet