Awstraliyening adélayd shehiridiki Uyghurlar xitaygha qarshi naraziliq namayishi élip bardi

Ixtiyariy muxbirimiz arslan
2021-04-09
Share
Adilaydtiki Uyghurlar xitayning yéngi échilghan konsolxanisigha qarshi namayish élip bardi Awstraliyening adilayd shehiride yashawatqan Uyghurlar, xitayning adilayd shehride yéngidin échilghan xitay konsulxansigha qarshi élip barghan namayishtin korunush. 2021-Yili 31-mart.
RFA/Arslan

8-Aprél peyshenbe küni merkizi awstraliyening adélayd shehirige jaylashqan awstraliye sherqiy türkistan jem'iyitining uyushturushi bilen xitayning adélayd shehiridiki konsulxanisi aldida naraziliq namayish pa'aliyiti élip bérildi.

Namayishqa Uyghurlardin er-ayal we ösmürler bolup yüzlerche kishi qatnashqan bolup, namayishchilar qollirida ay yultuzluq kök bayraqlarni kötürgen halda konsulxana aldigha jem boldi we "Xitay qirghinchiliqni toxtat!", "Sherqiy türkistan'gha azadliq", dégen'ge oxshash sho'arlar towlidi.

Awstraliye sherqiy türkistan jem'iyitining mu'awin re'isi tash haji yari ependining bildürüshiche, bu namayishning meqsiti, xitayning Uyghurlar üstidin yürgüzüwatqan zulum, assimilyatsiye siyasiti, irqiy qirghinchiliqigha qarshi turush shundaqla awstraliye hökümiti we xelqi arisida Uyghurlar mesilisini küntertipke keltürüsh iken.

Tash haji yari ependi bu namayish toghrisida melumat bérip, adélayd shehiridiki Uyghurlar her heptide bir qétim her jüme küni xitay konsulxanisining aldigha jem bolup xitaygha qarshi namayish élip bérishni pilanlighanliqi, bu qétimqi namayishning shu namayish pilanining tunji qétimliqi ikenlikini, bu namayish mushu shekilde alte ay dawam qilidighanliqini bildürdi.

Awstraliye sherqiy türkistan jem'iyitining uyushturushi bilen ötküzülgen bu namayish jeryanida jem'iyet re'isi nurmuhemmet türkistani qatarliq bir qanche kishi söz qilghan.

Biz sherqiy türkistan awstraliye jem'iyitining re'isi nurmuhemmet türkistani we namayishqa qatnashqan Uyghur ayal hörigül yüsüp bilen söhbet élip barduq.

Nurmuhemmet türkistani ependi bu namayishta söz qilip, xitayning Uyghurlar üstidin élip bériwatqan qetli'amliri toghrisida toxtalghan we awstraliye hökümiti we xelqini bu mesilisige diqqet bérishke chaqiriq qilghan.

Hörigül xanim özining bu namayishqa qatnishishigha türtke bolghan seweb toghrisida toxtaldi. U, özining uruq-tughqanlirining xitayning lagérlirigha qamalghanliqi we bir qanche yildin buyan uruq-tughqanliri bilen téléfon-uchur alaqe qilalmighanliqi sewebidin naraziliq bildürüp bu namayishqa qatnashqanliqini ipadilidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet