Awstraliyede ötküzülgen xelq'araliq balilar féstiwaligha Uyghurlarmu qatnashti

Ixtiyariy muxbirimiz uchqun
2019-06-21
Élxet
Pikir
Share
Print
Awstraliyening mélborin shehiridiki Uyghur tili mektipining oqughuchiliri mélborin shehiride ötküzülgen xelq'araliq balilar féstiwalida nomur orunlimaqta . 2019-Yili 16-iyun. Mélborin, awstraliye.
Awstraliyening mélborin shehiridiki Uyghur tili mektipining oqughuchiliri mélborin shehiride ötküzülgen xelq'araliq balilar féstiwalida nomur orunlimaqta . 2019-Yili 16-iyun. Mélborin, awstraliye.
RFA/Uchqun

16-Iyun awstraliyening wiktoriye shtati mélborin shehiride xelq'araliq balilar féstiwali ötküzülgen bolup, mezkur pa'aliyet mélborin shehirining xoddil kochisidiki kolling wud zalida ötküzülgen. Igilinishiche bu pa'aliyetke mélborin shehiridiki Uyghur tili mektipining oqughuchilirimu teklip bilen qatnashqan iken.

Biz bu munasiwet bilen mélborin Uyghur tili mektipining oqutquchisi asiye xanimni ziyaret qilduq, u mezkur pa'aliyet heqqide melumat bérip mundaq dédi: "2019-Yili 6-ayning 16-küni wéktoriyede chong tiptiki sen'et kéchiliki ötküzüldi. Biz Uyghur tili mektipining oqutquchi we oqughuchiliri bu pa'aliyetke teklip bilen qatnashtuq. Bizning balilirimiz meshrep ussulini oynighan idi, zaldiki 500 din artuq tamashibinlar hayajanlan'ghanliqidin ornidin turup alqishlap ketti."

Asiye xanim yene sen'et arqiliq Uyghurlarning kimliki we hazirqi weziyitini tonushturghanliqinimu ilgiri sürüp mundaq dédi: "Tamashibinlar naxsha-usulinglar nahayiti ésil iken, siler qaysi millet dep soridi. Bizmu bu pursettin paydilinip özimizning Uyghur milliti ikenlikimizni, özimizning tili we parlaq medeniyitimiz barliqini, epsuski bügünki künde tilimiz we medeniyitimizning xitay hökümiti teripidin yoqitilishqa bashlighanliqini sözlep berduq. Ular ehwalimizdin xewer tapti we bizge hésdashliqini bildürüshti. Biz bundin kiyin mushundaq pa'aliyetler arqiliq millitimizning medeniyitini namayan qilish bilen birge yerlik xeliqlerge özimizni tonutushqa téximu ehmiyet bérishni oylishiwatimiz."

Mezkur pa'aliyetning teshkilligüchisi mélborindiki türk jem'iyitining re'isi ümid ependi bu féstiwalning tarixi heqqide toxtilip mundaq dédi: "Xelq'ara balilar féstiwali 2002-yili mélborindiki türk jem'iyiti teripidin tesis qilin'ghan bolup, féstiwalimizda asasen balilarning nomurlirini asas qilimiz. Wéktoriye Uyghur mektipi pa'aliyitimizge tunji qétim qatnashqan bolsimu, tamashibinlarning qizghin alqishigha érishti. Biz bu féstiwalning teshkilligüchisi bolush süpitimiz bilen wéktoriye Uyghur mektipini kéler qétimliq we kelgüsidiki barliq féstiwalimizgha teklip qilishni oylashtuq."

Ümid ependi yene mezkur féstiwalgha awstraliyediki nurghun milletlerning qatnashqanliqi heqqidimu toxtilip mundaq dédi: "Pa'aliyitimizge silowaniyelikler, panjabilar, polshaliqlar, makédoniyelikler, hindonéziyelikler, türkler we Uyghurlar bolup jem'iy 14 guruppa qatnashti."

Mélborinda yashawatqan rena xanim balilirining bu pa'aliyetke qatnashqanliqidin tolimu söyün'genlikini bayan qilip mundaq dédi: "Awstraliyede ötküzülüwatqan balilar féstiwaligha bu qétim Uyghurlarning tunji qétim qatnishishi hésablinidu. Bu qétimqi féstiwal 18-qétimliq féstiwal bolup, wéktoriye Uyghur tili mektipi puxta teyyarliq bilen bu pa'aliyetke qatnashti we yaxshi bahalargha érishti, buningdin intayin hayajanlanduq. Bolupmu ikki qizimning nepis Uyghurche usuli tamashibinlargha intayin yaxshi tesir qaldurdi dep oylaymen."

Rena xanim yene wéktoriye Uyghur tili mektipi balilirining Uyghur kimlikini yétildürüshte muhim rol oynighanliqi heqqidimu toxtilip mundaq dédi: "Wéktoriye Uyghur tili mektipi qurulghan besh yildin béri qizlirimni aktipliq bilen qatnashturup kéliwatimen. Balilirimning Uyghur tili, din we örp-adetlirimizni öginishige alahide türtke boldi, bu munasiwet bilen mekteptiki barliq oqutquchilargha köp rehmet éytimen."

Hörmetlik radi'o anglighuchilar, mélborin shehiridiki wéktoriye Uyghur tili mektipi gerche qurulghinigha anche uzun bolmisimu, lékin mélborindiki Uyghur ösmürlirining til we medeniyitini saqlashta üzlüksiz tirishmaqta iken.

Toluq bet